សេអ៊ូល៖ ក្រសួងការពារជាតិរបស់ប្រទេសនេះ បាននិយាយថា ចំនួនអ្នករងរបួស បន្ទាប់ពីយន្តហោះចម្បាំងកូរ៉េខាងត្បូង បានទម្លាក់គ្រាប់បែកដោយចៃដន្យ ទៅលើតំបន់ជនស៊ីវិល យ៉ាងហោចណាស់មនុស្ស 15 នាក់បានរងរបួស បន្ទាប់ពីយន្តហោះចម្បាំងពីរគ្រឿងនៅក្នុងប្រទេសកូរ៉េខាងត្បូងបានទម្លាក់គ្រាប់បែកចំនួន 8 គ្រាប់ដោយចៃដន្យនៅក្នុងស្រុកស៊ីវិលមួយ នេះបើយោងតាមរបាយការណ៍របស់ប្រព័ន្ធផ្សព្វផ្សាយក្នុងស្រុក។ កាលពីថ្ងៃព្រហស្បតិ៍ ទី៦ ខែមីនា វេលាម៉ោងប្រហែល ១០ព្រឹក ម៉ោងក្នុងស្រុក យន្តហោះរបស់កងទ័ពអាកាស KF-16 បានបញ្ចេញគ្រាប់បែកខុសនៅខាងក្រៅកន្លែងហ្វឹកហ្វឺនដែលបានកំណត់អំឡុងពេលសមយុទ្ធបាញ់គ្រាប់ពិត នេះបើយោងតាមទីភ្នាក់ងារសារព័ត៌មានក្នុងស្រុក Yonhap ដោយដកស្រង់សម្តីមន្ត្រីយោធា និងអាជ្ញាធរពន្លត់អគ្គីភ័យ។ យោងតាមទីភ្នាក់ងារព័ត៌មាន បានឱ្យដឹងថា ការបំផ្ទុះគ្រាប់បែកបានកើតឡើងលើភូមិមួយក្នុងទីក្រុង Pocheon ដែលមានចម្ងាយប្រហែល 25 ម៉ាយភាគខាងជើងនៃទីក្រុងសេអ៊ូល។