ថ្នាក់ដឹកនាំនៃប្រទេសធំៗរួមទាំងកម្ពុជា! បានផ្ញើសារលិខិតចូលរួមមរណទុក្ខជាមួយប្រធានាធិបតីចិន និងក្រុមគ្រួសារជនរងគ្រោះក្នុងហេតុការណ៍រញ្ជួយដីនៅតំបន់ភ្នំទីបេ
អន្តរជាតិ
០៩ មករា ២០២៥
132
ថ្នាក់ដឹកនាំនៃប្រទេសធំៗរួមទាំងកម្ពុជា! បានផ្ញើសារលិខិតចូលរួមមរណទុក្ខជាមួយប្រធានាធិបតីចិន និងក្រុមគ្រួសារជនរងគ្រោះក្នុងហេតុការណ៍រញ្ជួយដីនៅតំបន់ភ្នំទីបេ
ក្នុងហេតុការណ៍រញ្ជួយដីនោះ គេប៉ាន់ស្មានថា មនុស្សជាង៤០០នាក់កំពុងជាប់ផុងនៅក្នុងគំនរបាក់បែកនៃអគារដែលបាក់រលំ។ រហូតមកដល់ពេលនេះ អាជ្ញាធរចិនបានអះអាងថាចំនួនអ្នកស្លាប់បានកើនឡើងដល់១២៦នាក់ហើយ បច្ចុប្បន្នក្រុមអ្នកសង្រ្គោះកំពុងតែបន្តការរុករក។ ការរញ្ជួយដីនោះមានសភាពខ្លាំងក្លាបំផុតដល់ថ្នាក់តំបន់ខ្ពង់រាបដែលស្ថិតនៅពីលើចំណុចរញ្ជួយ និងតំបន់ក្បែរៗនោះបាក់ដីស្រុតចុះក្រោមជម្រៅ១,៦ម៉ែត្រនៅលើរយៈចម្ងាយ៨០គីឡូម៉ែត្រ។ រយៈពេលជាង២៤ម៉ោងក្រោយហេតុការណ៍នោះ មនុស្សជាច្រើននាក់ដែលកប់នៅក្នុងគំនរបាក់បែកមិនទាន់អាចជួយសង្គ្រោះបាននៅឡើយទេ។ ពួកគេត្រូវស៊ូទ្រាំនឹងមុខរបួសផង, ការអត់ចំណីអាហារផង និងអាកាសធាតុត្រជាក់រហូតដល់ក្រោមសូន្យអង្សាផង។
កត្តាអាកាសធាតុចុះត្រជាក់ខ្លាំងធ្វើឱ្យក្រុមអ្នកជួយសង្គ្រោះពិបាកក្នុងការរុករកដោយសីតុណ្ហភាពចុះត្រជាក់ដល់-១៨អង្សាក្រោមសូន្យ។ ក្រុមអ្នកជំនាញ ប៉ាន់ស្មានថាអ្នកដែលកប់នៅក្រោមគំនរបាក់បែក ដែលកំពុងមានជីវិតរស់នៅក៏អាចនឹងនឹងស្លាប់ទៅវិញផងដែរបើជួយសង្គ្រោះមិនទាន់ពេលវេលា។ ក្នុងនោះមានមនុស្ស១៨៨នាក់ទៀតត្រូវរបួស។ នេះបើយោងតាមការផ្សាយរបស់សារព័ត៌មានចិន។
យោងតាមទិន្នន័យបឋម ផ្ទះជាង៣៦០០ខ្នងត្រូវបានបំផ្លិចបំផ្លាញខ្ទេចខ្ទីអស់ដោយសារការរញ្ជួយដីលើកនេះ។ ក្រសួងគ្រប់គ្រងគ្រោះមហន្តរាយបន្តដាក់កម្លាំងជាង១៨០០នាក់នៅតំបន់រងគ្រោះដើម្បីពន្លឿនការស្វែងរក និងជួយសង្គ្រោះ។ កងទ័ព១៦០០នាក់ក៏បានចុះទៅកន្លែងកើតហេតុផងដែរ។ ប្រធានាធិបតីចិនអំពាវនាវហើយអំពាវនាវទៀតថាអាជ្ញាធរពាក់ព័ន្ធទាំងអស់ត្រូវតែខិតខំឱ្យអស់ពីសមត្ថភាពដើម្បីជួយសង្គ្រោះមនុស្សទៅតាមលទ្ធភាពដែលអាចធ្វើទៅបាន។ ទូរទស្សន៍ជាផ្លូវរដ្ឋរបស់ចិនផ្សាយថាប្រជាជនជាង៣ម៉ឺននាក់ត្រូវបានជម្លៀសខ្លួនជាបណ្ដោះអាសន្នចេញពីលំនៅដ្ឋានរបស់ខ្លួនទៅកាន់ទីកន្លែងសុវត្ថិភាព។ រហូតមកដល់ពេលនេះ ថ្នាក់ដឹកនាំប្រទេសខ្លះដូចជារុស្ស៊ី ជប៉ុន តៃវ៉ាន់ សម្ដេចដាឡៃឡាម៉ា និងសម្តេចតេជោ ហ៊ុន សែន នៃកម្ពុជា បានផ្ញើសារលិខិតចូលរួមមរណទុក្ខជាមួយប្រធានាធិបតីចិន និងក្រុមគ្រួសារជនរងគ្រោះ។ ក្រុមអ្នកផែនដីវិទ្យាអះអាងថាក្រោយការរញ្ជួយដីដ៏ធំនោះមានការរញ្ជួយដីតូចៗជាង៥០០ករណីទៀតកើតឡើងជាបន្តបន្ទាប់។ គ្រាន់តែថាមិនបង្កការខូចខាតអ្វីបន្ថែមទៀតទេ៕
ក្នុងហេតុការណ៍រញ្ជួយដីនោះ គេប៉ាន់ស្មានថា មនុស្សជាង៤០០នាក់កំពុងជាប់ផុងនៅក្នុងគំនរបាក់បែកនៃអគារដែលបាក់រលំ។ រហូតមកដល់ពេលនេះ អាជ្ញាធរចិនបានអះអាងថាចំនួនអ្នកស្លាប់បានកើនឡើងដល់១២៦នាក់ហើយ បច្ចុប្បន្នក្រុមអ្នកសង្រ្គោះកំពុងតែបន្តការរុករក។ ការរញ្ជួយដីនោះមានសភាពខ្លាំងក្លាបំផុតដល់ថ្នាក់តំបន់ខ្ពង់រាបដែលស្ថិតនៅពីលើចំណុចរញ្ជួយ និងតំបន់ក្បែរៗនោះបាក់ដីស្រុតចុះក្រោមជម្រៅ១,៦ម៉ែត្រនៅលើរយៈចម្ងាយ៨០គីឡូម៉ែត្រ។ រយៈពេលជាង២៤ម៉ោងក្រោយហេតុការណ៍នោះ មនុស្សជាច្រើននាក់ដែលកប់នៅក្នុងគំនរបាក់បែកមិនទាន់អាចជួយសង្គ្រោះបាននៅឡើយទេ។ ពួកគេត្រូវស៊ូទ្រាំនឹងមុខរបួសផង, ការអត់ចំណីអាហារផង និងអាកាសធាតុត្រជាក់រហូតដល់ក្រោមសូន្យអង្សាផង។
កត្តាអាកាសធាតុចុះត្រជាក់ខ្លាំងធ្វើឱ្យក្រុមអ្នកជួយសង្គ្រោះពិបាកក្នុងការរុករកដោយសីតុណ្ហភាពចុះត្រជាក់ដល់-១៨អង្សាក្រោមសូន្យ។ ក្រុមអ្នកជំនាញ ប៉ាន់ស្មានថាអ្នកដែលកប់នៅក្រោមគំនរបាក់បែក ដែលកំពុងមានជីវិតរស់នៅក៏អាចនឹងនឹងស្លាប់ទៅវិញផងដែរបើជួយសង្គ្រោះមិនទាន់ពេលវេលា។ ក្នុងនោះមានមនុស្ស១៨៨នាក់ទៀតត្រូវរបួស។ នេះបើយោងតាមការផ្សាយរបស់សារព័ត៌មានចិន។
យោងតាមទិន្នន័យបឋម ផ្ទះជាង៣៦០០ខ្នងត្រូវបានបំផ្លិចបំផ្លាញខ្ទេចខ្ទីអស់ដោយសារការរញ្ជួយដីលើកនេះ។ ក្រសួងគ្រប់គ្រងគ្រោះមហន្តរាយបន្តដាក់កម្លាំងជាង១៨០០នាក់នៅតំបន់រងគ្រោះដើម្បីពន្លឿនការស្វែងរក និងជួយសង្គ្រោះ។ កងទ័ព១៦០០នាក់ក៏បានចុះទៅកន្លែងកើតហេតុផងដែរ។ ប្រធានាធិបតីចិនអំពាវនាវហើយអំពាវនាវទៀតថាអាជ្ញាធរពាក់ព័ន្ធទាំងអស់ត្រូវតែខិតខំឱ្យអស់ពីសមត្ថភាពដើម្បីជួយសង្គ្រោះមនុស្សទៅតាមលទ្ធភាពដែលអាចធ្វើទៅបាន។ ទូរទស្សន៍ជាផ្លូវរដ្ឋរបស់ចិនផ្សាយថាប្រជាជនជាង៣ម៉ឺននាក់ត្រូវបានជម្លៀសខ្លួនជាបណ្ដោះអាសន្នចេញពីលំនៅដ្ឋានរបស់ខ្លួនទៅកាន់ទីកន្លែងសុវត្ថិភាព។ រហូតមកដល់ពេលនេះ ថ្នាក់ដឹកនាំប្រទេសខ្លះដូចជារុស្ស៊ី ជប៉ុន តៃវ៉ាន់ សម្ដេចដាឡៃឡាម៉ា និងសម្តេចតេជោ ហ៊ុន សែន នៃកម្ពុជា បានផ្ញើសារលិខិតចូលរួមមរណទុក្ខជាមួយប្រធានាធិបតីចិន និងក្រុមគ្រួសារជនរងគ្រោះ។ ក្រុមអ្នកផែនដីវិទ្យាអះអាងថាក្រោយការរញ្ជួយដីដ៏ធំនោះមានការរញ្ជួយដីតូចៗជាង៥០០ករណីទៀតកើតឡើងជាបន្តបន្ទាប់។ គ្រាន់តែថាមិនបង្កការខូចខាតអ្វីបន្ថែមទៀតទេ៕
អត្ថបទដោយ៖ cambodia-nation-media
