ថៃ ៖ ថ្ងៃទី១៨ ខែធ្នូ ឆ្នាំ២០២៤ នាយកដ្ឋានសុខាភិបាលនៃខេត្ត Rayong បានចេញការណែនាំឱ្យលាងដៃញឹកញាប់​និងប្រុងប្រយ័ត្នអោយបានខ្ពស់ចំពោះករណីមេរោគ Norovirus​។​ បន្ថែមពីនោះ លោកវេជ្ជបណ្ឌិត ធីទី សាំងថាំ អគ្គនាយករង នៃមន្ទីរសុខាភិបាល បានបង្ហាញពីការផ្ទុះឡើងនៃមេរោគ Norovirus ដែលបណ្តាលឱ្យរាគលើសិស្សានុសិស្ស លោកគ្រូ អ្នកគ្រូ និងបុគ្គលិកចំនួន២សាលា ក្នុងស្រុកឃ្លាំង ខេត្តរ៉ាក់យ៉ង មាន អ្នកជំងឺសរុបចំនួន ១៤៣៦ ករណី ភាគច្រើនជាកុមារ ១៤១៨ នាក់ មានគ្រូ និងបុគ្គលិក ១៨ នាក់ ។ បើដកស្រង់ចេញពីសារព័ត៌មានថៃ AMARIN TV។ រោគសញ្ញានៃជំងឺ norovirus ចាប់ផ្តើមលេចឡើងក្នុងរយៈពេល 1-2 ថ្ងៃបន្ទាប់ពីការឆ្លង។  ក្នុងករណីធ្ងន់ធ្ងរ ជាពិសេសចំពោះកុមារ ដែលមានប្រព័ន្ធការពាររាងកាយចុះខ្សោយ ការខះជាតិទឹកធ្ងន់ធ្ងរអាចកើតមានឡើង ដែលវាអាចគំរាម កំហែងដល់អាយុជីវិត ប្រសិនបើមិនបានទទួលការព្យាបាលទាន់ពេលវេលា៕