ហ្គីណេ៖ យោងតាមប្រភពសារពត៌មានអន្តរជាតិ Reuters  បានអះអាងថា មានមនុស្សយ៉ាងហោចណាស់ ១៣៥នាក់បានបាត់បង់ជីវិត ក្នុងឧប្បត្តិហេតុរត់ជាន់គ្នានៅឯកីឡដ្ឋានបាល់ទាត់មួយក្នុងទីក្រុងណឺរេកូរ៉េ (Nzérékoré) ភាគអាគ្នេយ៍ប្រទេសហ្គីណេ កាលពីថ្ងៃអាទិត្យ ទី៣ ខែធ្នូ កន្លងទៅនេះ នៅអំឡុងការប្រកួតជុំផ្តាច់ព្រ័ត្ររវាងក្រុមកីឡាបាល់ទាត់ចំនួនពីរក្នុងតំបន់ ខណៈតួលេខជនរងគ្រោះរាយការណ៍ដោយអង្គការសិទ្ធិមនុស្សខាងលើនេះ គឺមានចំនួនច្រើនជាងការប្រកាសរបស់អាជ្ញាធរក្នុងតំបន់ប្រមាណជាទ្វេដង(៥៦នាក់)។ បើតាមការរៀបរាប់ពីអ្នកដែលនៅក្នងហេតុការណ៍នោះ ឱ្យដឹងថា ឧប្បត្តិហេតុរត់ជាន់គ្នាខាងលើនេះ បានកើតឡើងបន្ទាប់ពីក្រុមអ្នកគាំទ្របាល់ទាត់មួយចំនួន មានការមិនពេញចិត្តចំពោះសេចក្តីសម្រេចរបស់អាជ្ញាកណ្តាល និងបាននាំគ្នាធើ្វការតវ៉ាបង្កឱ្យមានភាពចលាចលកើតឡើង ញ៉ាំងឱ្យមន្ត្រីនគរបាលប្រើប្រាស់ឧស្ម័នបង្ហូរទឹកភ្នែកទៅលើក្រុមអ្នកតវ៉ា បណ្តាលឱ្យមានភាពស្លន់ស្លោកាន់តែខ្លាំងកើតឡើង និងធើ្វឱ្យមនុស្សម្នានាំគ្នាប្រជៀតចាកចេញពីកីឡដ្ឋាន ហើយមានកុមារនិងស្រ្តីជាច្រើនបានរអិលដួលនិងត្រូវបានហ្វូងមនុស្សរត់សង្គ្រុបពីលើបណ្តាលឱ្យបាត់បង់ជីវិត៕