កាលពីថ្ងៃព្រហស្បតិ៍ ទី២៣ ខែមេសា ឆ្នាំ២០២៦ សេតវិមានបានបញ្ជាក់ថា ប្រធានាធិបតីអាមេរិក លោក ដូណាល់ ត្រាំ មិនបានចាត់ទុកការដែលអ៊ីរ៉ង់ប្រើកម្លាំងបាយរឹបអូសកប៉ាល់អន្តរជាតិចំនួន ២ គ្រឿង នៅច្រកសមុទ្រ Hormuz ថាជាការរំលោភលើបទឈប់បាញ់ដែលកំពុងបន្តរវាងអាមេរិក និងអ៊ីរ៉ង់នោះទេ។ អ្នកនាំពាក្យសេតវិមាន លោកស្រី Karoline Leavitt បានលើកឡើងថា ដោយសារកប៉ាល់ទាំងនោះមិនមែនជារបស់អាមេរិក ឬអ៊ីស្រាអែល សកម្មភាពដែលប្រើប្រាស់ទូកល្បឿនលឿនបំពាក់អាវុធដើម្បីរឹបអូសនេះ គឺជា «អំពើចោរកម្មសមុទ្រយ៉ាងច្បាស់ក្រឡែត»។ លោកស្រីបានបន្ថែមទៀតថា អ៊ីរ៉ង់បានបាត់បង់ការគ្រប់គ្រងលើច្រកសមុទ្រនោះហើយ ហើយឥរិយាបថរបស់ពួកគេបានប្រែក្លាយពីការមានកងទ័ពជើងទឹកដ៏មានឥទ្ធិពលបំផុតនៅមជ្ឈិមបូព៌ា មកជាការធ្វើសកម្មភាពដូចជាក្រុមចោរសមុទ្រវិញ។