ការប្រយុទ្ធគ្នាបានកើនឡើងតាមបណ្តោយព្រំដែនថៃ- មីយ៉ាន់ម៉ា ដោយកងទ័ពមីយ៉ាន់ម៉ាបើកការវាយប្រហារយ៉ាងខ្លាំង ទៅលើទីតាំងកាន់កាប់ដោយសហភាពជាតិការ៉ែន(KNU) ដែលត្រូវបានគេរាយការណ៍ថា ស្ថិតនៅក្រោមបញ្ជាឱ្យធានាសុវត្ថិភាពតំបន់នោះមុនរដូវវស្សា។ ទាហានមីយ៉ាន់ម៉ាបានប្រើប្រាស់ទាំងអាវុធធុនធ្ងន់ និងធុនតូច នៅក្នុងការវាយប្រហារលើទីតាំងរបស់KNU នៅទីប្រជុំជនMyawaddyរដ្ឋការ៉ែនប្រទេសមីយ៉ាន់ម៉ា ទល់មុខសហគមន៍ព្រំដែនថៃនៅក្នុងខេត្តTak។ នេះបើតាមការចុះផ្សាយដោយKhaosod English ដោយយោងលើរបាយការណ៍ពីMae Sotខេត្តTak នៅថ្ងៃទី២០ខែមេសាឆ្នាំ២០២៦។ បើតាមប្រភពពីKNUបាននិយាយថា ការវាយលុកនេះធ្វើឡើងបន្ទាប់ពី បញ្ជារបស់ថ្នាក់ដឹកនាំជាន់ខ្ពស់ ឱ្យដណ្តើមយកតំបន់នានារួមទាំងMinlapaanនិងភូមិក្បែរៗនោះ មុនពេលរដូវវស្សាចាប់ផ្តើម ដែលនឹងរារាំងដល់ចលនាកងទ័ព ដោយសារតែដីមិនអំណោយផលក្នុងរដូវធ្លាក់ភ្លៀងទេ៕