ថ្ងៃទី២២ ខែវិច្ឆិកា ឆ្នាំ២០២៤(ថៃ)៖ តុលាការថៃបានសម្រេចកាត់ទោសប្រហារជីវិតដល់ស្រ្តីម្នាក់ជាឃាតករដ៏អាក្រក់បំផុត ក្នុងប្រវត្តិសាស្ត្រថៃ ដែលត្រូវបានចោទប្រកាន់ពី បទបំពុលសម្លាប់មនុស្សយ៉ាងហោចណាស់១៤នាក់ ដែលជាសាលក្រមដំបូងក្នុងសំណុំរឿង ឃាតកម្មដ៏ល្បីមួយ។ Sararat Rangsiwuthaporn អាយុ 36ឆ្នាំ ជាអ្នកញៀនល្បែងអនឡាញត្រូវបានចោទប្រកាន់ពីបទសម្លាប់មិត្តភ័ក្តិរបស់នាងកាលពីឆ្នាំមុន ដោយការដាក់បំពុលអាហារ ជនរងគ្រោះជាមួយនឹងសារធាតុ cyanide និង ឆបោក ប្រាក់រាប់ពាន់ដុល្លារពីជនរងគ្រោះមុនពេលសម្លាប់ពួកគេ។ តុលាការក្រុងបាងកក បានកាត់ទោសនាងកាលពីថ្ងៃពុធពីបទបំពុលសម្លាប់មិត្តភ័ក្តិរបស់នាងឈ្មោះ Siriporn Kanwong ។ នេះបើយោងតាមទូរទស្សន៍ NBT Connext ដែលគ្រប់គ្រងដោយរដ្ឋាភិបាលបានរាយការណ៍ថាជនល្មើសជាអ្នកញៀនល្បែង បានប្រែទៅជាឃាតកម្ម និងប្លន់ ដើម្បីសងបំណុលរបស់នាង៕