កម្សាន្ត៖ អាហារប្រភេទសត្វល្អិត ដូចជាចង្រិត កន្លះឡង់ កណ្តូបលីង ឬអាពីងលីង ជាអាហារសម្រាន់ មួយប្រភេទ ដែលមានប្រជាជនខ្មែរជាច្រើនចូលចិត្តនិយមញ៉ាំ និងសម្រាប់ញ៉ាំលេងផងដែរ។ ម្យ៉ាងអារហារមួយប្រភេទនេះ គេតែងតែឃើញដាក់លក់នៅតាមរទះជាហូរហែ និងមានចំនួនអ្នកទិញទៅ ញាំស្ទើរតែរាល់ថ្ងៃទៀតផង។ ហើយខាងក្រោមនេះ ជាគ្រឿងផ្សំ និងរបៀបធ្វើចង្រិតលីងដ៏ឈ្ងុយឆ្ងាញ់៖ ក៖ គ្រឿងផ្សំ៖ ១. សត្វចង្រិត ២. ប្រេងឆា ៣. ស្លឹកខ្ទឹម ៤. ស្ករស ៥. អំបិល ៦. ប៊ីចេង ៧. ទឹកត្រី ៨. ស្លឹកក្រូចសើច ៩. គល់ស្លឹកគ្រៃ ១០. រំដេង,ម្ទេស, ខ្ទឹមស, ខ្ទឹមក្រហម ខ៖ របៀបធ្វើ ១.មុនដំបូងចាក់ប្រេងឲ្យច្រើន រួចដាក់ចង្រិតបំពងរយៈពេល៥នាទី។ ២.បន្ទាប់មកដាក់ខ្ទឹមស ខ្ទឹមក្រហម គល់ស្លឹកគ្រៃ ស្លឹកក្រូចសើច រំដេង កូរឲ្យឡើងឈ្ងុយបន្តិច ទើបដាក់ ចង្រិតចូល កូររយៈពេល៥នាទីដាក់ ហើយបង់គ្រឿងចូលដូចជា ស្ករ អំបិល ប៊ីចេង ទឹកត្រី (រសជាតិតាម ចំណង់ចំណូលចិត្ត)។ ៣.ជាចុងក្រោយ ដួសចង្រិតលីងដាក់ចៀន ហើយរោយស្លឹកខ្ទឹមពីលើជាការស្រេច៕