បន្ទាប់ពីទទួលបានការប្តឹងពីប្រជាពលរដ្ឋ!តាមលេខទូរស័ព្ទអន្តរាគមន៍សង្គ្រោះបន្ទាន់(Hote Line)1292 លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ កម្លាំងជំនាញកងរាជអាវុធហត្ថខេត្តកំពង់ស្ពឺ បានបើកប្រតិបត្តិការបង្រ្កាប និងឃាត់ខ្លួនភ្លាមៗ ចំពោះក្មេងទំនើងមួយក្រុមមានគ្នា ០៧នាក់ ប្រដាប់ដោយដុំឥដ្ឋ និងដំបង ដែលបានធ្វើសកម្មភាព គប់ឡាន គប់ម៉ូតូ ប្រជាពលរដ្ឋដែលកំពុងធ្វើដំណើរតាមដងផ្លូវ និងជិះម៉ូតូដេញវ៉ៃគ្នាបង្កភាពអនាធិបតេយ្យតាមទីសាធារណៈ កាលពីនៅវេលាម៉ោង ១:៣០នាទីយប់រំលងអាធ្រាត ឈានចូលថ្ងៃទី២៤ ខែសីហា ឆ្នាំ២០២៥ កន្លងទៅ។ បច្ចុប្បន្នកម្លាំងកងរាជអាវុធហត្ថខេត្ត បានបញ្ជូនមកកាន់ បញ្ជាការដ្ឋានកងរាជអាវុធហត្ថខេត្តកំពង់ស្ពឺ។

ក្មេងទំនើងមួយក្រុមមានគ្នា៧នាក់ទាំងនេះ ដែលកម្លាំងមូលដ្ឋានកងរាជអាវុធហត្តស្រុកសាមគ្គីមុនីជ័យ បង្ក្រាបនិងឃាត់ខ្លួនបានមានឈ្មោះដូចខាងក្រោម៖

ទី១-ឈ្មោះ ជុប សុខថេង អាយុ២១ឆ្នាំ ភេទប្រុស រស់នៅបច្ចុប្បន្នក្នុងភូមិក្រាំងចេក ឃុំក្រាំងចេក ស្រុកសាមគ្គីមុនីជ័យ ខេត្តកំពង់ស្ពឺ

ទី២-ឈ្មោះ ប៊ុនធឿន សុខឌឿន អាយុ១៦ឆ្នាំ ភេទប្រុស ទីលំនៅភូមិកន្តក់ ឃុំព្រៃក្រសាំង ស្រុកសាមគ្គីមុនីជ័យ ខេត្តកំពង់ស្ពឺ

ទី៣-ឈ្មោះឡេង តាំងលី អាយុ ២២ឆ្នាំ រស់នៅភូមិកណ្តក់ ឃុំព្រៃក្រសាំង ស្រុកសាមគ្គីមុនីជ័យ ខេត្តកំពង់ស្ពឺ

ទី៤-ឈ្មោះ ចំណាប់ ចំរើន អាយុ១៧ឆ្នាំ ភេទប្រុស ទីលំនៅ ភូមិកណ្តក់ ឃុំព្រៃក្រសាំងស្រុកសាមគ្គីមុនីជ័យ ខេត្តកំពង់ស្ពឺ

ទី៥-ឈ្មោះរីម បញ្ញា អាយុ១៨ ភេទប្រុស ទីលំនៅភូមិកណ្តក់ព្រៃក្រសាំង ស្រុកសាមគ្គីមុនីជ័យ ខេត្តកំពង់ស្ពឺ

ទី៦-ឈ្មោះធឿន សុខគា អាយុ១៧ឆ្នាំ ភេទប្រុស រស់នៅភូមិស្វាយជួរ ឃុំក្រាំងចេកស្រុកសាមគ្គីមុនីជ័យ ខេត្តកំពង់ស្ពឺ

និងទី៧.ឈ្មោះ ប្រាង ភក្រា្ត អាយុ១៥ឆ្នាំ ភេទប្រុស ទីលំនៅភូមិព្រៃក្រសាំង ឃុំព្រៃក្រសាំង ស្រុកសាមគ្គីមុនីជ័យ ខេត្តកំពង់ស្ពឺ។

ជាមួយគ្នានោះដែរសមត្ថកិច្ចជំនាញ ចាប់យកវត្ថុតាងមួយចំនួនរួមមាន៖ម៉ូតូ០៣ គ្រឿង,ឥដ្ធ០២ដុំ,ថ្ម ០១ដុំ,ដំបងឈើ ០១ដើម.ទូរស័ព្ទ០៤គ្រឿង,នាឡិកា ០១គ្រឿង និងកាបូលុយចំនួន០១។ ជនសង្ស័យទាំង០៧នាក់ រួមនិងវត្ថុតាង ត្រូវបានកម្លាំងមូលដ្ឋានកងរាជអាវុធហត្តស្រុកសាមគ្គីមុនីជ័យ បញ្ជូនមកបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីបន្តនីតិវិធីច្បាប់៕