កស្រី ឃ្យុងណាន់ ផាក  (Kyung-nan Park) តំណាង និងនាយិកាថ្មី នៃកម្មវិធីស្បៀងអាហារពិភពលោក (WFP) ប្រចាំ

កម្ពុជា បានជំរាបរឿងនេះ ប្រាប់ លោកជំទាវ អ៊ាត សោភា រដ្ឋលេខាធិការប្រចាំការក្រសួងការបរទេស និងសហប្រតិបត្តិការអន្តរ ជាតិ ក្នុងជំនួបសម្តែងការគួរសម និងទទួលសារតាំង។

លោកស្រី ឃ្យុងណាន់ ផាក បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់រាជរដ្ឋាភិបាល កម្ពុជាក្នុងការលើកកម្ពស់សន្តិសុខស្បៀង និងអាហារូបត្ថម្ភ និងប្ដេជ្ញាបន្តកិច្ចសហប្រតិបត្តិការដ៏ជិតស្និទ្ធរវាង WFP ជាមួយកម្ពុជាក្នុងការពង្រឹងលើវិស័យទាំងនេះ។

ជាការឆ្លើយតប លោកជំទាវ អ៊ាត សោភា បានសម្តែងការស្វាគមន៍យ៉ាងស្និទ្ធស្នាលនិងកក់ក្ដៅ ព្រមទាំងអបអរសាទរចំពោះ លោកស្រី ឃ្យុងណាន់ ផាកដែលត្រូវបានតែងតាំងជាតំណាងនិងនាយិកាថ្មីនៃ WFP ប្រចាំកម្ពុជា។

លោកជំទាវរដ្ឋលេខាធិការប្រចាំការបានថ្លែងអំណរ គុណ WFP ដែលបានចូលរួមចំណែកក្នុងការអភិវឌ្ឍប្រទេសកម្ពុជា នា ៥ ទសវត្សកន្លងមកនេះ ក្នុងនោះរួមទាំងការផ្តល់ជំនួយអង្ករចំនួន ២២០ តោនដល់ជនភៀសសឹកចំនួន ៤៥០០ គ្រួសារនៅខេត្តឧត្តរមានជ័យ កាលពីពេលថ្មីៗ នេះ។