ឯកឧត្តម ហួត ហាក់ រដ្ឋមន្រ្តីក្រសួង ទេសចរណ៍ បានអញ្ជើញចូលរួមអបអរសាទរភាពជាដៃគូសហប្រតិបត្តិការរវាងធនាគារ វីង (ខេមបូឌា) និងក្រុមហ៊ុន Singapore Airlines Limited ។

ឯកឧត្តមរដ្ឋមន្រ្តី វាយតម្លៃខ្ពស់ចំពោះគំនិតផ្តួចផ្តើមរបស់វិស័យឯកជនដែលបានសហការបង្កើតផលិតផលទេសចរណ៍ដែលមានតម្លៃបន្ថែម និងច្នៃប្រឌិតខ្ពស់ដោយច្របាច់បញ្ចូលគ្នារវាងការធ្វើដំណើរតាមផ្លូវអាកាស និងប្រព័ន្ធទូទាត់ឌីជីថលដែលបានផ្តល់ភាពងាយស្រួលកាន់តែខ្លាំងដល់អ្នកធ្វើដំណើរ ពិសេសភ្ញៀវទេសចរ រួមទាំងជាការទាក់ទាញ និងជំរុញទឹកចិត្តប្រជាជនឱ្យធ្វើដំណើរកាន់តែច្រើនឡើង។

បន្ថែមពីលើនេះទៅទៀត ឯកឧត្តមរដ្ឋមន្រ្តី បានថ្លែងកោតសរសើរពីការមើលឃើញ និងការចាប់ឱកាសកាលានុវត្តភាពវិនិយោគទេសចរណ៍របស់កម្ពុជាដ៏ល្អនាពេលនេះ និងជំនឿដ៏មុតមាំលើការដឹកនាំដ៏ត្រឹមត្រូវរបស់រាជ

រដ្ឋាភិបាលកម្ពុជារបស់ក្រុមហ៊ុនទាំងពីរដែលបានបង្កើតកិច្ចសហការជាមួយគ្នាក្នុងកាលៈទេសៈដែលវិស័យដឹកជញ្ជូនផ្លូវអាកាស និងទេសចរណ៍កំពុងតែមានសន្ទុះកែនឡើង ជាពិសេសគឹចំពេលដែលប្រទេសកម្ពុជាត្រៀម

បើកដំនើរការព្រលានយន្តហោះអន្តរជាតិថ្មីខា្នត 4F «អាកាសយានដ្ឋាន​អន្តរជាតិតេជោ» នាខែកញ្ញា ឆ្នាំ២០២៥ ខាងមុខ៕