កងទ័ពជួរមុខ÷ ទោះបីជាត្រូវមកព្យាបាលរបួស តែអារម្មណ៍ចង់ត្រឡប់ទៅជួរមុខវិញដើម្បីការពារបូរណភាពដែនដី
តាងនាមឱ្យសម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា ឯកឧត្តមឧបនាយក
រដ្ឋមន្រ្តី ហ៊ុន ម៉ានី បានមកសួរសុខទុក្ខ និងថែ្លងអំណរគុណដល់វីរកងទ័ពជួរមុខដែលកំពុងសម្រាកព្យាបាលរបួសនៅមន្ទីរពេទ្យ និងមណ្ឌលសុខភាពក្នុងខេត្តព្រះវិហារ។ វីរកងទ័ពដែលកំពុងសម្រាកព្យាបាលរបួសបានប្រាប់
ខ្ញុំថា“មកព្យាបាលនៅទីនេះ តែអារម្មណ៍ខ្ញុំនៅតែជាមួយជួរមុខ ហើយប្រុងប្រៀបប្រយុទ្ធជានិច្ច”។ បើទោះបីជាត្រូវសម្រាកព្យាបាលរបួសដោយសារការប្រយុទ្ធក៏ដោយ ក៏ទឹកចិត្តក្លាហានរបស់វីរកងទ័ពយើងនៅតែអង់អាច
មុះមុតបេ្ដជ្ញាបន្ដការពារបូរណភាពដែនដីមិនឱ្យបាត់បង់សូម្បីតែ១មីលីម៉ែត្រ។ ខ្ញុំសូមកោតសរសើរ និងវាយតម្លៃខ្ពស់ចំពោះស្មារតីលះបង់ និងឆន្ទៈខ្ពស់របស់វីរកងទ័ពយើងក្នុងការការពារបូរណភាពដែនដី ដោយប្រយុទ្ធប្រឆាំងដាច់ខាតនូវការឈ្លានពានពីខ្មាំងសត្រូវ៕
អត្ថបទដោយ៖ cambodia-nation-media
