អនុវត្តតាមបទបញ្ជារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ស្តីពីយុទ្ធនា

ការបោសសម្អាតការឆបោកតាមប្រព័ន្ធបច្ចេកវិទ្យា (ONLINE SCAMs) ប្រកបដោយប្រសិទ្ធភាពខ្ពស់ នៅថ្ងៃទី២១ ខែកក្កដា ឆ្នាំ២០២៥ លោក ងិន ណែល អភិបាលរងខេត្ត តំណាងលោក ញ៉ែម សំអឿន អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តរតនគិរី បានដឹកនាំកម្លាំងចុះពិនិត្យទីតាំងសណ្ឋាគារ និងកាស៉ីណូមិត្តភាព នៅច្រកទ្វារអន្ដរជាតិអូរយ៉ាដាវ។

ការចុះពិនិត្យនេះក្នុងគោលបំណងត្រួតពិនិត្យដើម្បីទប់ស្កាត់ និងប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា និងបទល្មើសផ្សេងៗទៀត ដែលប្រព្រឹត្តដោយជនបរទេស សំដៅការចូលរួមចំណែកថែរក្សា ការពារសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ជាពិសេសក៏ទទួលខុសត្រូវក្នុងការបោសសម្អាតសកម្មភាពឆបោកតាមប្រព័ន្ធបច្ចេកវិទ្យា (ONLINE SCAMs) ឲ្យមានប្រសិទ្ធខ្ពស់។

លោក ងិន ណែល អភិបាលរងខេត្ត បានបញ្ជាក់ថា ទីតាំងខាងលើនេះបន្ទាប់ពីក្រុមការងារត្រួតពិនិត្យតាមបន្ទប់ទាំងអស់ នៃសណ្ឋាគារ និងកាស៊ីណូ រួចពុំមានឃើញអ្វីគួរឲ្យកត់សម្គាល់នោះទេ។ លោកបន្តថា ក្នុងចំណោមបន្ទប់

ទាំងអស់ នៃសណ្ឋាគារ និងកាស៊ីណូ មានតែបន្ទប់ចំនួន១ប៉ុណ្ណោះ ដកហូតយកវត្ថុចាប់យកទៅពិនិត្យ និងបិទស៊ៀលបន្ទប់រងចាំលទ្ធផលពីមន្ត្រីជំនាញ៕