មន្រ្តីក្រសួងបរិស្ថាននិងរដ្ឋបាលថ្នាក់ក្រោមជាតិ ជាពិសេសរដ្ឋបាលខេត្ត ដែលមានតំបន់ការពារធម្មជាតិ ត្រូវបានទទួលការគាំទ្រ នូវសម្ភារបច្ចេកទេស ទំនើប ដើម្បីគ្រប់គ្រងធនធានធម្មជាតិ ឱ្យមាននិរន្តរភាពសម្រាប់កូនចៅតជំនាន់ នៅតាមតំបន់ការពារធម្មជាតិ។

ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានថ្លែងអំណរគុណ ដល់មន្រ្តីនិងអាជ្ញាធរមូលដ្ឋាន ដែល

បានចូលរួមសហការល្អ ការអនុវត្តច្បាប់ និងប្រើប្រាស់បច្ចេកវិទ្យាទំនើប ដើម្បីទប់ស្កាត់ និងប្រយុទ្ធប្រឆាំងបទល្មើសនៅតាមតំបន់ការពារធម្មជាតិ។ ឯកឧត្តមរដ្ឋមន្រ្តី បានមានប្រសាសន៍ថាមន្រ្តី បានចុះល្បាតបំពេញភារកិច្ច និងតួនាទីអនុវត្តច្បាប់នៅតាមតំបន់ការពារធម្មជាតិ និងធ្វើការពិនិត្យលើផែនទីផ្កាយរណប ដែលក្រសួងបរិស្ថាន បានផ្តល់ជូន ថែមទាំងធ្វើការបង្ហោះដ្រូន ដើម្បីធ្វើការពិនិត្យលើស្ថានភាពជាក់ស្តែង នៃតំបន់ការ ពារធម្មជាតិ ដើម្បីពង្រឹងការគ្រប់គ្រងធនធានធម្មជាតិ និងអភិរក្សជីវៈចម្រុះឲ្យមានប្រសិទ្ធភាព។

ជាក់ស្តែងមន្រ្តីឧទ្យានុរក្សប្រចាំស្នាក់ការស្រែវាល និងស្នាក់ការរងភ្នំកូនឆ្កែរ ក្នុងភូមិសាស្រ្តខេត្តព្រះវិហារ បានចុះល្បាតពិនិត្យទីតាំងកាប់រានដីព្រៃ ដែលទទួលបានពីផ្កាយរណប របស់ក្រសួងបរិស្ថាន ត្រង់ចំណុចស្រែវែងរកឃើញ

បុស្សចាស់ អាយុកាលប្រហែល៥ឆ្នាំ មានទំហំប្រមាណ០១ហិកតា។ បន្ទាប់មកនៅចំណុចព្រៃរាំង រកឃើញមានជាស្លាកស្នាមកាប់រានដីចាស់ មានអាយុកាលប្រហែល២ឆ្នាំ មានទំហំប្រមាណ០,៨ហិកតា ទីតាំងស្ថិតនៅក្នុងភូមិសាស្ត្រភូមិភ្ញាក់រលឹក ឃុំធ្មា ស្រុកជ័យសែន ខេត្តព្រះវិហារ