ប្រជាជន​មីយ៉ាន់ម៉ា ជាច្រើននាក់សម្រេចចិត្តចុះមកងូតទឹក​ក្នុង​ទន្លេ Irrawaddy ពីមុខ​ស្ពាន Ava ដែល​បាក់បែក​ហើយ​គេ​ស្គាល់​ថា​ជា​ស្ពាន Inwa ក្នុង​ទីក្រុង Sagaing។ Sagaing វាមានទីតាំងនៅលើទន្លេ Irrawaddy ចម្ងាយ២០គីឡូម៉ែត្រ ពីភាគនិរតីនៃទីក្រុង Mandalay ។ Sagaing ជាទីក្រុងមួយដែលមានវត្តអារាមព្រះពុទ្ធសាសនាជាច្រើន គឺជាមជ្ឈមណ្ឌលសាសនា និងសាសនាដ៏សំខាន់មួយ។ ​វត្ត​អារាម​ច្រើន​កកកុញ​តាម​ជួរ​ភ្នំ​ដែល​កសាង​ស្រប​នឹង​ទន្លេ។ ការងាកមកងូតទឹកទន្លេ នេះគឺដោយសារ​តែតំបន់​លំនៅដ្ឋាន​ពុំមាន​អគ្គិសនី ឬ​ទឹក​ប្រើប្រាស់បានទៀត បន្ទាប់​ពី​គ្រោះ​រញ្ជួយ​ដី​ដ៏​ធំ​មួយ​បាន​វាយប្រហារ​កណ្តាល​ប្រទេស​មីយ៉ាន់ម៉ា។ ការរញ្ជួយដីកម្រិត 7.7 រ៉ិចទ័រ កាលពីថ្ងៃទី២៨ ខែមីនា ឆ្នាំ២០២៥ កន្លងទៅបានធ្វើឱ្យអគារនៅទូទាំងប្រទេសមីយ៉ាន់ម៉ា ខូចខាតបាក់រលំទាំងស្រុង និងបានសម្លាប់មនុស្សជាង ៣០០០នាក់ និងធ្វើឱ្យរាប់ពាន់នាក់ទៀតគ្មានផ្ទះសម្បែង និងកង្វះស្បៀងអាហារ៕