ទីភ្នាក់ងារ KOICA ប្រចាំប្រទេសកម្ពុជា និងរដ្ឋលេខាធិការដ្ឋានអាកាសចរស៊ីវិល បានចុះហត្ថលេខាជាផ្លូវការលើកំណត់ហេតុនៃកិច្ចពិភាក្សាសម្រាប់គម្រោងពង្រឹងប្រព័ន្ធបណ្តុះបណ្តាលអាកាសចរណ៍ស៊ីវិលនៅវិទ្យាស្ថានជាតិអាកាសចរណ៍ស៊ីវិលនៅកម្ពុជា។ កំណត់ត្រានៃកិច្ចពិភាក្សាត្រូវបានចុះហត្ថលេខានៅថ្ងៃទី 26 ខែមីនា ឆ្នាំ 2025 រវាងលោកស្រី Choi Moonjung នាយិកា ការិយាល័យកយកាប្រចាំប្រទេសកម្ពុជា និង ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រី ទទួលបន្ទុក រដ្ឋលេខាធិការដ្ឋានអាកាសចរណ៍ស៊ីវិលកម្ពុជា។ បើតាម ទីភ្នាក់ងារកយការ ភាពជាដៃគូនេះនឹងលើកកម្ពស់គុណភាពនៃការបណ្តុះបណ្តាល និងធានាបាននូវសុវត្ថិភាព និងជំនាញបន្ថែមទៀតនៃកម្លាំងពលកម្មវិស័យអាកាសចរណ៍។ គម្រោងដែលជាជំនួយឥតសំណងប្រមាណ ១២ លានដុល្លារនឹងត្រូវបានអនុវត្តចាប់ពីឆ្នាំ ២០២៥ដល់ឆ្នាំ ២០២៩ ដោយមានធាតុផ្សំសំខាន់ៗរួមមាន ការអភិវឌ្ឍន៍កម្មវិធីសិក្សា ការពង្រឹងសមត្ថភាពគ្រូ ការកែលម្អហេដ្ឋារចនាសម្ព័ន្ធ និងការពង្រឹងសមត្ថភាពស្ថាប័នរបស់ វិទ្យាស្ថានជាតិអាកាសចរណ៍ស៊ីវិលនៅកម្ពុជា ក្នុងការគ្រប់គ្រង និងផ្តល់កម្មវិធីបណ្តុះបណ្តាលប្រកបដោយប្រសិទ្ធភាព៕