រាជធានីភ្នំពេញ: ថ្ងៃទី២៥ ខែមីនា ឆ្នាំ២០២៥ នៅសាលប្រជុំអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀនមានកិច្ចប្រជុំផ្សព្វផ្សាយរបាយការណ៍ខែកុម្ភៈ និងទិសដៅខែមីនា ឆ្នាំ២០២៥ របស់អគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន និងពិភាក្សាទៅលើរបៀបវារៈអមមួយចំនួនមាន : ១.ការស្វាគមន៍និងលើកទឹកចិត្តដល់មន្ត្រីដែលទើបនឹងបញ្ចប់ការសិក្សា ២.ការពង្រឹងការងារនាយកដ្ឋាន ៣.ការងារត្រៀមចូលរួមព្រឹត្តិការណ៍អង្គរសង្ក្រាន្តនៅខេត្តសៀមរាប។ កិច្ចប្រជុំនេះប្រព្រឹត្តទៅក្រោមអអធិបតីដឹកនាំ ឯកឧត្តម ឧត្តមសេនីយ៍ឯក ថោង សុគន្ធា អគ្គលេខាធិការស្ដីទីអាជ្ញាធរជាតិប្រយុទ្ធប្រឆាំងគ្រឿងញៀន ដោយមានការអញ្ជើញចូលរួមពីឧត្តមសេនីយ៍ឯក លឹម តុងហួត ប្រធាននាយកដ្ឋាន ផ្សព្វផ្សាយ អប់រំ និងទំនាក់ទំនងសាធារណៈ ព្រមទាំងមានការចូលរួមពីគ្រប់សមាសភាពនៃនាយកដ្ឋានផ្សព្វផ្សាយ អប់រំ និងទំនាក់ទំនងសាធារណៈ។ ក្នុងកិច្ចប្រជុំនេះដែរ ក្រោយពីស្តាប់របាយការណ៍ការងាររួចមក ឯកឧត្តម ឧត្តមសេនីយ៍ឯក ថោង សុគន្ធា បានថ្លែងសាទរពីស្មារតីសាមគ្គីភាពខិតខំបំពេញការងារប្រកបដោយការទទួលខុសត្រូវរបស់មន្ត្រីគ្រប់ថ្នាក់នៃនាយកដ្ឋានផ្សព្វផ្សាយ អប់រំ និងទំនាក់ទំនងសាធារណៈ និងបានផ្តល់នូវការណែនាំមួយចំនួន។