សារព័ត៌មានCambodia Nation Media និង ក្រុមហ៊ុនអប្សរាព័ត៌មាន (AMG) បានចុះហត្ថលេខាលើអនុស្សរណៈនៃការយោគយល់ (MOU) នៅព្រឹកថ្ងៃទី២១ ខែមីនា ឆ្នាំ២០២៥។ ភាគីទាំងពីរនឹងសហការគ្នាក្នុងការផលិតកម្មវិធី ផ្លាស់ប្ដូរខ្លឹមសារព័ត៌មាន និង ស្វែងរកដៃគូពាណិជ្ជកម្ម។ ជាជំហានដំបូង ភាគីទាំងពីរនឹងបង្កើតក្រុមការងារអន្តរក្រុមហ៊ុន  ពិភាក្សា និង អនុវត្តគម្រោងផលិតកម្មវិធីជាភាសាអង់គ្លេសឈ្មោះថា "Fortune" ។ នៅដើមខែមេសាខាងមុខ ក្រុមការងារគ្រោងនឹងសម្រេចការងាររៀបផែនការថត ជ្រើសរើសពិធីករ និង កំណត់ទីតាំងថត ដើម្បីឈានទៅដល់ការចាប់ផ្ដើមផលិតកម្មវិធីជាផ្លូវការ។ CNMមានផ្សាយចេញជាភាសាខ្មែរ និង ភាសាចិន ផ្សព្វផ្សាយព័ត៌មានពិត វិជ្ជមានពីកម្ពុជា អំពីសក្ដានុពលអភិវឌ្ឍន៍សង្គម និង សេដ្ឋកិច្ចកម្ពុជា ដើម្បីទាក់ទាញវិនិយោគិនចិន មកបណ្ដាក់ទុនវិនិយោគនៅកម្ពុជា អភិវឌ្ឍសង្គមសេដ្ឋកិច្ចកម្ពុជាចិន ឆ្ពោះរកទៅរកវិបុលភាពរួម។