ក្រុមហ៊ុន COFCO Bio-Energy Co., Ltd ដែលជាក្រុមហ៊ុនកែច្នៃ និងជួញដូរអាហាររបស់រដ្ឋដ៏ធំរបស់ចិន កាលពីថ្ងៃសុក្រ បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Hang Harvest Agriculture Co Ltd ដែលជាក្រុមហ៊ុនក្នុងស្រុកមួយនៅក្នុងខេត្តឧត្តរមានជ័យ ដើម្បីទិញដំឡូងមីស្ងួតចំនួន 200,000 តោន។ ភ្នំពេញ៖ ក្រុមហ៊ុនចិន ទទួលដំឡូងមីស្ងួតពីកម្ពុជា លើកទី១ ចំនួន ៥ពាន់តោន និងចុះអនុស្សារណៈនៃការយោគយល់គ្នា (MoU) ជាមួយកម្ពុជា ដើម្បីទិញដំឡូងមីស្ងួតចំនួន ២០ម៉ឺនតោន ក្នុងឆ្នាំ២០២៥-២០២៦។ នេះបើតាមការចុះផ្សាយរបស់ ក្រសួងពាណិជ្ជកម្ម កាលពីថ្ងៃទី១៥ ខែមីនា ឆ្នាំ២០២៥។0
ការចុះកិច្ចព្រមព្រៀងខាងលើនេះ នឹងជួយពង្រឹង និងពង្រីកកិច្ចសហប្រតិបត្ដិការពាណិជ្ជកម្មរវាងកម្ពុជា និងចិន ព្រមទាំងជួយជំរុញការនាំចេញវិស័យដំឡូងមីរបស់កម្ពុជា ទៅកាន់ទីផ្សារប្រទេសចិន ផងដែរ។ ក្នុងពិធីចុះ MoU នោះ បានធ្វើឡើងក្រោមអធិបតីភាព ឯកឧត្តម លីម ឡោកពិសិដ្ឋ រដ្ឋលេខាធិការក្រសួងពាណិជ្ជកម្ម ព្រមទាំងមានកិច្ចព្រមព្រៀងទិញ-លក់ដំឡូងមីស្ងួត រវាងក្រុមហ៊ុន HANG HARVEST AGRICULTURE CO., LTD និងក្រុមហ៊ុន COFCO BIO-ENERGY CO., LTD ជំហានទី២ នៅកំពង់ផែក្នុងទីក្រុងប៉ីហៃ នៃតំបន់ស្វយ័តជនជាតិជាំងក្វាងស៊ីផងដែរ។គួរបញ្ជាក់ថា កិច្ចព្រមព្រៀងខាងលើ ក៏មានចូលរួមពីមន្ទីរពាណិជ្ជកម្មនៃតំបន់ស្វយ័តជនជាតិជាំងក្វាងស៊ី, ការិយាល័យទំនាក់ទំនងពាណិជ្ជកម្មកម្ពុជាប្រចំាទីក្រុងណាននីង, រដ្ឋាភិបាលប្រជាជនទីក្រុងប៉ីហៃ, អាជ្ញាធរពាក់ព័ន្ធទីក្រុងប៉ីហៃ, តំណាងធនាគារអភិវឌ្ឍន៍ជនបទនិងកសិកម្មនៃកម្ពុជា, ព្រមទាំងពាណិជ្ជករទិញ-លក់ដំឡូងមីចិននិងកម្ពុជា ផងដែរ៕