ពេលនេះ Christ និងគូដណ្តឹង បានបង្ហោះសារជាថ្មី អំណរគុណចំពោះនគរបាលរាជធានីភ្នំពេញ ដែលបានស្វះស្វែងនាំអ្នកទាំង២នាក់ ទៅដាក់ពាក្យបណ្តឹង ចោរឆក់កាបូបគាត់ នៅម្តុំផ្សាររាត្រី ខណ្ឌដូនពេញ នាវេលាថ្ងៃត្រង់ទី១៥ ខែមីនា ឆ្នាំ២០២៥... បើតាមសមត្ថកិច្ច លោក Christ ជាជនជាតិអាមេរិក ហើយគូដណ្តឹងរបស់គាត់មានសញ្ជាតិ វេណេហ្សូអេឡា និងអេស្ប៉ាញ។ ក្រោយការសួរនាំ របស់សមត្ថកិច្ច ពេលទៅដាក់ពាក្យបណ្តឹង នៅប៉ុស្តិ៍នគរបាលវត្តភ្នំ, លោក Christ បានបញ្ជាក់ថា សម្រាប់ហេតុការណ៍នេះ លោកមិនមានការបាត់បង់ ទ្រព្យសម្បត្តិនោះឡើយ តែគូដណ្តឹង របស់លោក បានបាត់លិខិតឆ្លងដែន វេណេហ្សូអេឡា ID Card និងលុយមួយចំនួន។ យ៉ាងណា ក្នុងរឿងនេះ រហូតដល់ម៉ោង ជិត៥ល្ងាច ថ្ងៃដដែលនេះ ជនសង្ស័យជាចោរឆក់ខាងលើ ត្រូវបាន សមត្ថកិច្ច ស្រាវជ្រាវ និងចាប់ខ្លួនបានហើយ  ហើយ​ទ្រព្យ​សម្បត្ដិ របស់ Christ និងគូរដណ្តឹង ក៍បានប្រមូលយកមកវិញ ផងដែរ។ នេះបើតាមការឱ្យដឹងបពី​ លោកឧត្តមសេនីយ៍ឯក ជួន ណារិន្ទ ស្នងការដ្ឋាននគរបាលរាជធានីភ្នំពេញ​ នៅរសៀលថ្ងៃទី១៥ ខែមីនា ឆ្នាំ២០២៥។​ សូមជំរាបថា កម្លាំងនាយកដ្ឋាននគរបាលបព្រហ្មទណ្ឌ បានបង្ហោះថា បង្ក្រាបបានហើយជនដៃដល់ឆក់កាបូបគូដណ្ដឹងលោក Christ ដែលជា Vlogger ល្បីឈ្មោះ។ ជនដៃដល់ត្រូវចាប់ខ្លួនបាននៅថ្ងៃទី១៥ ខែមីនា​ ឆ្នាំ២០២៥​ វេលាម៉ោង១៦៖៥៥នាទី ដែលកម្លាំងជំនាញដឹកនាំដោយលោកឧត្តមសេនីយ៍ត្រី ប៊ុត​ វណ្ណារដ្ឋ អនុប្រធាននាយកដ្ឋាន។ ជនដៃដល់ត្រូវចាប់ខ្លួនបាននៅចំណុចបន្ទប់ជួល ផ្លូវ៩៣ ក្នុងសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ​ ដែលបានធ្វេីសកម្មភាពឆក់កាបូបស្ពាយពីស្រ្តីជនបរទេសកំពុងដេីរបានសម្រេច​ នៅត្រង់ចំណុច​ផ្លូវលេខ១០៦​ កែងផ្លូវលេខ១៣​ ខណ្ឌដូនពេញ។ បច្ចុប្បន្នកម្លាំងជំនាញនាំជនសង្ស័យខាងលេីមកនាយកដ្ឋាននគរបាលព្រហ្មទណ្ឌ ដើម្បីធ្វើការសាកសួរតាមនីតិវិធី។ សូមកោតសរសើរ សមត្ថកិច្ច ខិតខំស្រាវជ្រាវ និងបង្ក្រាបបានជោគជ័យនូវករណីនេះ ដែលជាការស្តារមុខមាត់ សមត្ថកិច្ចកាន់តែប្រសើរឡើង នេះពិតជាភូមិឃុំ មានសុវត្ថិភាពពិតៗ៕ ៗ៕