នាព្រឹកថ្ងៃព្រហស្បតិ៍ ១៥កើត ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ខែមីនា ឆ្នាំ២០២៥ ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន បានអញ្ជើញចូលរួម ក្នុងពិធីបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់អាជ្ញាធរជាតិប្រយុទ្ធប្រឆាំងគ្រឿងញៀន និងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១០ ក្រោមអធិបតីភាព ឯកឧត្តមសន្ដិបណ្ឌិត នេត សាវឿន ឧបនាយករដ្ឋមន្ដ្រី ប្រធាន​ អ.ជ.ប.គ.ញ.​តំណាងដ៏ខ្ពង់ខ្ពស់សម្តេចមហាបវរធិបតី នាយករដ្ឋមន្ត្រីនៃព្រះរាជាណាចក្រកម្ពុជា។ នាឱកាសនោះដែរ ឯកឧត្តមសន្តិបណ្ឌិត បានផ្តល់នូវកិត្តិយសដ៏ខ្ពង់ខ្ពស់បបំពាក់នូវគ្រឿងឥស្សរិយយស ជូនថ្នាក់ដឹកនាំក្រសួង ស្ថាប័ន​ អង្គភាព​ពាក់ព័ន្ធដែលមានស្នាដៃក្នុងការងារប្រយុទ្ធប្រឆាំងគ្រឿងញៀនផងដែរ។ អង្គសន្តិបាត​ បានទទួលការអញ្ជើញចូលរួមពីថ្នាក់ដឹកនាំបណ្តាក្រសួង ស្ថាប័ន​ អង្គភាពជាសមាជិ អ.ជ.ប.គ.ញ.​ ភ្ញៀវកិត្តិយសជាតិ-អន្តរជាតិ អង្គទូតនៃបណ្តាប្រទេសជាមិត្ត សរុបចំនួន៥០០នាក់៕