អនុវត្តតាមកម្មវិធីនយោបាយ និងយុទ្ធសា ស្រ្តបញ្ចកោណដំណាក់កាលទី១ របស់រាជរដ្ឋាភិបាលកម្ពុជា គឺដើម្បី កំណើន ការងារ សមធ៌ម ប្រសិទ្ធភាព និងចីរភាព ក្រោមការដឹកនាំដ៏ឈ្លាសវៃ និងប្រកបដោយគិតិបណ្ឌិត របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ថ្នាក់ដឹកនាំខេត្តរតនគិរី មន្ត្រីរាជការ និង ប្រជាពលរដ្ឋគ្រប់លំដាប់ថ្នាក់ បាននឹងកំពុងខិតខំអនុវត្តការងារយ៉ាងសកម្ម សំដៅសម្រេចឲ្យបានជោគជ័យនូវភារកិច្ច របស់ខ្លួន ស្របតាមកម្មវិធីនយោបាយរបស់រាជរដ្ឋាភិបាល គឺការធានាឲ្យបាននូវសុខសុវត្តិភាព ស្ថេរភាពនយោបាយ និងការអភិវឌ្ឍន៍សេដ្ឋកិច្ច សង្គមកិច្ច ការការពារធនធានធម្មជាតិ និងបរិស្ថាន សំដៅលើកកម្ពស់ជីវភាពរស់នៅរបស់ ប្រជាពលរដ្ឋនៅគ្រប់មូលដ្ឋាន។ក្នុងនោះខេត្តបានដាក់ចេញទិសដៅជាយុទ្ធសាស្ត្រក្នុងការអភិវឌ្ឍន៍ដោយផ្តល់ជាអាទិភាពលើ វិស័យសំខាន់ៗមួយចំនួនរួមមាន៖ កសិកម្ម កសិពាណិជ្ជកម្ម ហេដ្ឋារចនាសម្ព័ន្ធ ការអប់រំបណ្តុះបណ្តាល ធនធានមនុស្ស ការថែទាំ សុខមាលភាព ទេសចរណ៍ និងអគ្គិសនី ។ ជាក់ស្តែងវិស័យកសិកម្ម មានការអភិវឌ្ឍន៍ និងរីកចម្រើនជាបន្តបន្ទាប់ ដែលធានាបាននូវការផ្គត់ផ្គង់ស្បៀងគ្រប់គ្រាន់ និងសល់សម្រាប់ការ នាំចេញផងដែរ ក្រៅពីនេះ ខេត្តនៅបាន ជម្រុញ និងលើកទឹកចិត្តដល់វិស័យឯកជន ក៏ដូចជាក្រុម ហ៊ុនវិនិយោគជាច្រើនឲ្យមកបណ្តាក់ទុនរកស៊ីរនៅក្នុងខេត្ត បច្ចុប្បន្នយើងមានក្រុមហ៊ុនចំនួន ១៣៦ សាខាក្រុមហ៊ុន ចំនួន ៤៦ និងសហគ្រាស ឯកបុគ្គលមានចំនួន ៦០ ក្រៅពីនេះនៅ មានក្រុមហ៊ុនដីសម្បទានសេដ្ឋកិច្ចចំនួន ២៧ (ក្នុងនោះក្រុមហ៊ុនវៀតណាម មានចំនួន ១៣ ក្រុមហ៊ុនចិនមានចំនួន ០៣ ក្រុមហ៊ុនឥណ្ឌាចំនួន ០១ និងក្រុមហ៊ុនក្នុងស្រុកមានចំនួន ១០ វិនិយោគលើផ្ទៃដីសរុបចំនួន ១៤៦.៣៦៦ហ.តដំណាំកសិកម្ម កសិ-ឧស្សាហកម្ម និងចិញ្ចឹមគោសាច់៕