មណ្ឌលគិរី៖ សមត្ថកិច្ច ឆ្មក់ចូលអគារ មេគង្គ៧៤ ខេត្តមណ្ឌលគិរី ក្នុងក្រុងសែនមនោរម្យ ដែលជាទីតាំងប្រព្រឹត្តិខុសច្បាប់តាមប្រព័ន្ធអ៉ីនធឺណិត និងឃាត់ខ្លួនជនបរទេសចំនួន ២៥៨នាក់ ក្នុងនោះមានជនជាតិចិន ២៤៧នាក់។ ក្រៅពីនេះសមត្ថកិច្ចបានរកឃើញមនុស្ស ៩នាក់ មក​ពី​ប្រទេស​មីយ៉ាន់ម៉ា និង២នាក់​មក​ពី​ម៉ាឡេស៊ី និង​វៀតណាម។ ក្នុង​ប្រតិបត្តិការ​នេះ សមត្ថកិច្ច​បាន​កំណត់​អត្តសញ្ញាណ​ជនសង្ស័យ ១៤​នាក់ ដែល​សង្ស័យ​ថា បាន​បង្ខិត​បង្ខំ​អ្នក​ដទៃ​ឲ្យ​ធ្វើ​ពលកម្ម​ដោយ​ហិង្សា​ក្នុង​នោះ​មាន​ជនជាតិ​ចិន ៧​នាក់ និង​មី​យ៉ាន់​ម៉ា ៧​នាក់​។ ជនសង្ស័យ​ត្រូវ​បាន​ចោទ​ប្រកាន់​ពី​បទ​ប្រើ​ហិង្សា​បង្ខំ​អ្នក​ដទៃ​ឲ្យ​ធ្វើ​ការ។ ក្រោមការប្រតិបត្តិការ ជនរងគ្រោះត្រូវ​បាន​នាំ​ខ្លួន​ទៅ​កាន់​ស្នងការដ្ឋាន​នគរបាល​ខេត្ត​មណ្ឌលគិរី ដើម្បី​សាកសួរ​ដើម្បីស៊ើបអង្កេតបន្ត។ ចំណែកជនបរទេសចំនួន​២៤៣នាក់ (ចិន២៣៩នាក់ ភូមា២នាក់ ម៉ាឡេស៊ី១នាក់ និងវៀតណាម១នាក់) ត្រូវបានបញ្ជូនទៅអគ្គនាយកដ្ឋានអន្តោប្រវេសន៍អនុវត្តតាមនីតិវិធី៕