ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងថ្នាក់ដឹកនាំនគរបាល ឧបត្ថម្ភថវិកាចំនួន១៥លានរៀល ដល់មន្រ្តីរងរបួសគ្រោះថ្នាក់ចរាចរណ៍រហូតពិការជើងម្ខាងពេលបំពេញការងារ.. នារាត្រីថ្ងៃទី៣ ខែមីនា ឆ្នាំ២០២៥ លោកឧត្តមសេនីយ៍ទោ ខូវ លី ស្នងការនគរបាលខេត្តឧត្តរមានជ័យ បានដឹកនាំសហការី ចុះសួរសុខទុក្ខ កញ្ញាអនុសេនីយ៍ត្រី ឡៅ ខាត់ណា នាយរងផ្នែកអត្តសញ្ញាណកម្ម នៃអធិការដ្ឋាននគរបាលស្រុកចុងកាល់ បានជួបគ្រោះថ្នាក់ចរាចរណ៍ (រថយន្តបុកម៉ូតូ) នៅមន្ទីរពេទ្យបង្អែកខេត្តសៀមរាប។ លោកឧត្តមសេនីយ៍ទោ ក្រៅពីពាំនាំនូវមតិផ្តាំផ្ញើសួរសុខទុក្ខ ក៍បាននាំយកថវិការបស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ចំនួន ១០លានរៀល និងថវិកាចំនួន ២លានរៀល (សម្រាប់មន្ត្រីនគរបាលជាតិ ជួបគ្រោះថ្នាក់ពេលបំពេញការងារ) ថវិការបស់លោកជំទាវ ឧត្តមសេនីយ៍ឯក រស់ ច័ន្ទសោភា អគ្គស្នងការរងនគរបាលជាតិ ចំនួន ១លានរៀល និងថវិការបស់លោកឧត្តមសេនីយ៍ទោ ខូវ លី ចំនួន ២លានរៀល សរុបចំនួន ១៥លា រៀល ដើម្បីជួយសម្រួលបន្ទុកគ្រួសារ ក្នុងការព្យាបាលផងដែរ៕