នាឳកាសនោះ ឯកឧត្តម ឧត្តមសេនីយ៍ឯក នាក់ យុទ្ធា អគ្គលេខាធិការរង និងឯកឧត្តម ឧត្តមសេនីយ៍ទោ អ៊ុយ សមផល្លារិទ្ធិ ប្រធាននាយកដ្ឋានសហប្រតិបត្តិការអន្តរជាតិ បានចាត់តាំងមន្ត្រី ០២ រូប ចូលរួមសម្របសម្រួលបដិសណ្ឋារកិច្ចនូវកម្មវិធីបណ្តាញយុវជនលើកទី៤ ស្តីពីការបង្ការទប់ស្កាត់បញ្ហាគ្រឿងញៀន។ ក្រុមការងារនាយកដ្ឋានសហប្រតិបត្តិការអន្តរជាតិ បានទទួលស្វាគមន៍យ៉ាងកក់ក្តៅដល់ប្រតិភូនូវកម្មវិធីបណ្តាញយុវជនលើកទី៤ ក្នុងការផ្លាស់ប្តូរចែករំលែកចំណេះដឹងពីវិធីបង្ការ និងដោះស្រាយបញ្ហាគ្រឿងញៀន ក្រោមវត្តមានចូលរួមពីយុវជនពីបណ្ដាប្រទេសចំនួន៩ មាន៖ កម្ពុជា ថៃ មីយ៉ាន់ម៉ា ព្រុយណេ ម៉ាឡេស៊ី ឥណ្ឌូនេស៊ី ហ្វីលីពីន ឡាវ និងចិន សរុប ៦០នាក់ដែលមានរយះពេល៣ថ្ងៃ ចាប់ពីថ្ងៃទី៣១ ខែមករា ដល់ថ្ងៃទី០២ ខែកុម្ភៈ ឆ្នាំ២០២៥នៅខេត្តសៀមរាប។ ជាចុងក្រោយយុវជននៃបណ្តាលប្រទេសទាំងអស់ និងក្រុមប្រឹក្សាត្រួតពិនិត្យគ្រឿងញៀន (ONCB) បានកោតសរសើរចំពោះការទទួលយ៉ាងកក់ក្តៅ រួសរាយរាក់ទាក់នូវបដិសណ្ឋារកិច្ចយ៉ាងល្អ ក្នុងកម្មវិធីបណ្តាញយុវជនលើកទី៤ ស្តីពីការបង្ការទប់ស្កាត់បញ្ហាគ្រឿងញៀននេះដោយរលូន៕