ដើម្បីអបអរសាទរព្រឹត្តិការណ៍បុណ្យសមុទ្រលើកទី១១ ជុំទី៣ ក្រោមប្រធានបទ៖ «អបអរបេតិកភណ្ឌ និងចីរភាពនៃតំបន់ឆ្នេរ» ក្រោមវត្តអញ្ជើញដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ដែលនឹងប្រព្រឹត្តិទៅចាប់ពីថ្ងៃទី១៣-១៥ ខែធ្នូ ឆ្នាំ២០២៤។ ក្នុងពិធីដ៏អធិកអធមនាពេលនេះ មានការអញ្ជើញចូលរួមពីឯកឧត្តម លោកជំទាវជាថ្នាក់ដឹកនាំក្រសួងទេសចរណ៍ ព្រមទាំងថ្នាក់ដឹកនាំ និងមន្ត្រីរាជការជុំវិញខេត្តកំពត និងបងប្អូនប្រជាពលរដ្ឋយ៉ាងច្រើនកុះករ។ សូមបញ្ជាក់ជូនផងដែរថា ព្រឹត្តិការណ៍កីឡា ដើម្បីអបអរសាទរព្រឹត្តិការណ៍បុណ្យសមុទ្រលើកទី១១ ជុំទី៣ និងជំរុញដល់១០ប្រភេទកីឡា រួមមាន៖ កីឡារត់កម្សាន្តមហាជនចម្ងាយ ៣គ.ម, កីឡាជិះកង់កម្សាន្តមហាជនចម្ងាយ ១២គ.ម, កីឡាប្រណាំងកង់ភ្នំចម្ងាយ ៤២គ.ម, កីឡាទូកក្តោង, កីឡាម៉ូតូទឹក, កីឡាបង្ហោះខ្លែង, កីឡាប៉ារ៉ាម៉ូទ័រ, កីឡាបាល់ទះលើឆ្នេរខ្សាច់មហាជន, កីឡាប្រណាំងទូក, កីឡាប្រដាល់គុណខ្មែរ ដែលមានកីឡាករ និងកីឡាការិនីសរុបប្រមាណ ១៤៥៧នាក់។