អាជ្ញាធរ ខេត្តបន្ទាយមានជ័យកម្ពុជានិងអាជ្ញាធរខេត្តស្រៈកែវថៃ បើកកិច្ចប្រជុំផ្សព្វផ្សាយដាក់អោយដំណើរការចេញ.ចូលតាមច្រកទ្វារអន្តរជាតិស្ទឹងបត់ មានរយះពេល១៧ម៉ោងក្នុងមួយថ្ងៃ។ ច្រកអន្តរជាតិស្ទឹងបទដែលឈមច្រកបានណងអៀនកន្លងមកបើកបាន​១៣ម៉ោងក្នុងមួយថ្ងៃ។ ពេលនេះកម្ពុជា-ថៃ សម្រេចបើកដំណើរការ១៧ម៉ោងក្នុងមួយថ្ងៃ ដែលកិច្ចប្រជុំផ្សព្វផ្សាយធ្វើឡើងនៅថ្ងៃទី២ ខែធ្នូ ឆ្នាំ២០២៤ នៅស្រុកអារញ្ញប្រាថេត ខេត្តស្រៈកែវប្រទេសថៃ។ លោក ញឹម ផឿង អភិបាលរងក្រុងប៉ោយប៉ែតបានប្រាប់ថា៖ច្រកអន្តរជាតិស្ទឹងបត់កម្ពុជាដែល​ឈមច្រកបានណងអៀនថៃរយៈពេលកន្លងមកបានបើកដមណើរដឹកទំនិញចេញ.ចូលបានត្រឹមតែ១៣ម៉ោងចាប់ពីម៉ោង៦ព្រឹកដល់ម៉ោង៦ល្ចាច តែពេលនេះកម្ពុជា.ថៃបានប្រជុំបើកដំណើរការចំនួន១៧ម៉ោងចាប់ពី៦ព្រឹកដល់ម៉ោង១០យប់ដែលត្រូវបានប្រជុំផ្សព្វផ្សាយដំណើរការ​ចាប់ពីថ្ងៃទី០២ ខែធ្នូ ឆ្នាំ២០២៤តទៅ។ សូមបញ្ជាក់ថា៖ខេត្តបន្ទាយមានជ័យមានច្រកទ្វាអន្តរជាតិចំនួន២កន្លែង៖ ១- ច្រកអន្តរ​ជាតិប៉ោយប៉ែត ជាច្រកសម្រាប់ភ្ញៀវជាតិនិងអន្តរជាតិចេញ.ចូលទៅមកថ្មើជើងនិងទំនិញភ្ញៀវអាច​ដឹកចេញ-ចូលបាន ២- អន្តរជាតិស្ទឹងបត់ជាច្រកសម្រាប់រថយន្តដឹកទំនិញចេញ-ចូល និងច្រកតំបន់ព្រំដែនចំនួន២កន្លែងមានច្រកទ្វាតំបន់ព្រំដែនម៉ាឡៃស្រុកម៉ាឡៃ ច្រកទ្វារតំបន់ព្រំ​ដែន​បឹងត្រកួនស្រុកថ្មពួក ៕