ឯកឧត្តមប្រាក់ សុខុន ឧបនាយករដ្ឋមន្រ្តី និង​ជារដ្ឋមន្រ្តីក្រសួងការបរទេស​និង សហប្រតិបត្តិការអន្តរជាតិ​ បានអនុញ្ញាតឳ្យឯកឧត្តម វ៉ាង វិនពីន (Wang Wenbin) ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ចូលជួបសម្ដែងការគួរសម​និង ពិភាក្សាការងារ។ ឯកឧត្តម​វ៉ាង ឯកឧត្តម វ៉ាង វិនពីន (Wang Wenbin) មានសេចក្តីសោមនស្សរីករាយជាខ្លាំងដែលបានជួបសម្ដែងការគួរសមជាមួយ ឯកឧត្តមប្រាក់ សុខុន និងសូមគោរពពាំនាំ​ការជូនពរនិងការអបអរសាទររបស់ ឯកឧត្តមWang Yi សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងជារដ្ឋមន្ត្រីការបរទេសចិន ជូនចំពោះឯកឧត្តម ក្នុងឱកាសចូលកាន់តំណែងជាឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ។ ជឿថាចំណងមិត្តភាពរវាងចិន និងកម្ពុជា នឹងត្រូវបានពង្រឹង និងអភិវឌ្ឍន៍បន្ថែមទៀត ដើម្បីផ្តល់ប្រយោជន៍ដល់ប្រទេសទាំងពីរនិងប្រជាជន កាលពីថ្ងៃទី ២៦​ ខែ​វិច្ឆិកា​ ឆ្នាំ ២០២៤ នៅទីស្តីការក្រសួងការបរទេស​និង សហប្រតិបត្តិការអន្តរជាតិ រាជធានីភ្នំពេញ៕