ហាក់ដូចជាហាត់គ្នា ដែលមេដឹកនាំប្រទេសក្នុងតំបន់ឥណ្ឌូចិន [កម្ពុជា វៀតណាម ឡាវ] បានមកដល់ប្រទេសកម្ពុជា ជាបន្តបន្ទាប់គ្នា នាព្រឹកថ្ងៃសុក្រ ទី៦ ខែកុម្ភៈ ឆ្នាំ២០២៦នេះ។ បន្ទាប់ពីវៀតណាម បណ្ឌិត ថងលុន ស៊ីសុលីត អគ្គលេខាធិការបក្សប្រជាជនបដិវត្តន៍ឡាវ និងជាប្រធានរដ្ឋឡាវ បានអញ្ជើញមកដល់ប្រទេសកម្ពុជាហើយ ដើម្បីបំពេញទស្សនកិច្ចផ្លូវ រដ្ឋរយៈពេលពីរថ្ងៃ។​ យោងតាមក្រសួងការបរទេសកម្ពុជា បានឱ្យដឹងថា ដំណើរបំពេញទស្សនកិច្ច​ផ្លូវរដ្ឋ​របស់បណ្ឌិត ថងលុន ស៊ីសុលីត ធ្វើឡើងតបតាមការអញ្ជើញរបស់ព្រះករុណា ព្រះបាទ​សម្តេច ព្រះបរមនាថ នរោត្ដម សីហមុនី ព្រះ មហាក្សត្រនៃព្រះរាជា​ណា​ចក្រ​កម្ពុជា។ នៅរាជធានីភ្នំពេញ បណ្ឌិត ថងលុន ស៊ីសុលីត ក៏នឹងមានជំនួបកំពូលជាមួយសម្តេចតេជោ ហ៊ុន សែន ប្រធានព្រឹទ្ធសភាកម្ពុជាផងដែរ ហើយក្រៅពីកម្មវិធីទស្សនកិច្ចផ្លូវរដ្ឋហើយ នោះ បណ្ឌិត ថងលុន ស៊ីសុលីត ក៏នឹងមានកម្មវិធីក្នុងក្របខណ្ឌបក្ស នយោបាយ ដែលជាកិច្ចប្រជុំត្រីភាគី នៃក្រុមប្រទេសតំបន់ឥណ្ឌូចិន ផងដែរ[កម្ពុជា-វៀតណាម-ឡាវ] នៅថ្ងៃទី០៧កុម្ភះ៕