ថ្ងៃសុក្រ ថ្ងៃទី៥ ខែធ្នូ ឆ្នាំ២០២៥ នៅសាលប្រជុំធំនៃអគ្គលេខាធិការដ្ឋាន អ.ជ.ប.គ.ញ មានរៀបចំពិធីចុះហត្ថលេខាលើអនុស្សរណៈនៃការយោគយល់គ្នា រវាងអាជ្ញាធរជាតិប្រយុទ្ធប្រឆាំងគ្រឿងញៀន និងវិទ្យាស្ថានស្រាវជ្រាវនិងអនុវត្តស្តីពីការបង្ការការប្រើប្រាស់គ្រឿងញៀន ភីអេសឌី ស្តីពីកិច្ចសហប្រតិបត្តិការលើកកម្ពស់ប្រសិទ្ធភាពការបង្ការការប្រើប្រាស់គ្រឿងញៀន និងវិធីសាស្ត្រព្យាបាលបង្ការលាប់ទៅប្រើប្រាស់គ្រឿងញៀនឡើងវិញ។ ពិធីនេះប្រព្រឹត្តទៅក្រោមអធិបតីភាព ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋាននៃអាជ្ញាធរជាតិប្រយុទ្ធប្រឆាំងគ្រឿងញៀនតំណាងដ៏ខ្ពង់ខ្ពស់ឯកឧត្តម សន្តិបណ្ឌិតនេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងលោក Le Trung Tuan ប្រធានក្រុមប្រឹក្សាភិបាល ក្រុមហ៊ុន ភីអេសឌី គ្រូប។ ការចុះហត្ថលេខានេះតំណាងអាជ្ញាធរជាតិប្រយុទ្ធប្រឆាំងគ្រឿងញៀន តំណាងដោយ លោកជំទាវ ឧត្តមសេនីយ៍ឯក ជ័យ បុប្ផា អគ្គលេខាធិការរងនៃអាជ្ញាធរជាតិប្រយុទ្ធប្រឆាំងគ្រឿងញៀន និងលោកស្រី Nguyen Thi Lan Phuong អគ្គនាយកវិទ្យាស្ថាន PSD ដោយមានការចូលរួមពីតំណាងក្រសួង ស្ថាប័នពាក់ព័ន្ធ។