ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងលោកជំទាវ អញ្ជើញទស្សនា "ភូមិខ្មែរអ្នកធ្វើ" ផ្សារទេសចរណ៍ខ្មែរ ដែលជាផ្សារទេសចរណ៍ខ្មែរ បង្កើតឡើងក្នុងគោលបំណងជួយជំរុញសក្ដានុពលទេសចរណ៍ដ៏សម្បូរបែប និងការអភិវឌ្ឍផលិតផលទេសចរណ៍ រួមជាមួយការប្រមូលផ្ដុំផលិតផលក្នុងស្រុក សុទ្ធសឹងតែស្នាដៃរបស់បងប្អូនខ្មែរយើងនៅតាមមូលដ្ឋាន ដូចជាបន្លែ ផ្លែឈើ សម្ភារៈប្រើប្រាស់ វត្ថអនុស្សាវរីយ៍ ម្ហូបអាហារប្រចាំតំបន់ សេវាកម្មផ្សេងៗ នឹងមកប្រមូលផ្ដុំនៅក្នុងផ្សារទំនើប ជីប ម៉ុង ២៧១ មេហ្កាម៉ល។ សូមជម្រាបជូនថា "ភូមិខ្មែរអ្នកធ្វើ" មិនត្រឹមតែជាផ្សារលក់ផលិតផល ប៉ុន្តែក៏រួមបញ្ចូលជាមួយនឹងស្ថាបត្យកម្ម ​រចនាបទខ្មែរ សិល្បៈ វប្បធម៌ ប្រពៃណីដែលជាអត្តសញ្ញាណជាតិខ្មែរ។ ក្នុងន័យនេះ ដើម្បីបង្ហាញពីភាពទាក់ទាញ និងបង្កើនការចាប់អារម្មណ៍ គម្រោង"ភូមិខ្មែរអ្នកធ្វើ" ឱ្យកាន់តែទូលំទូលាយ សូមអញ្ជើញបងប្អូនក្រុមអ្នកផលិតមាតិកាទេសចរណ៍កម្ពុជា(Influencers) KOL ទាំងអស់ចូលរួមផ្សព្វផ្សាយ ផ្សារទេសចរណ៍ខ្មែរ "ភូមិខ្មែរអ្នកធ្វើ" ទៅកាន់សាធារណជន ភ្ញៀវទេសចរជាតិ-អន្តរជាតិ ចូលរួមឱ្យកាន់តែច្រើន៕