(ខេត្តកណ្តាល​​)៖ នៅថ្ងៃទី៣​ ខែកក្កដា​ ឆ្នាំ២០២៥ ក្រោយពីកម្លាំងសមត្ថកិច្ចរបស់អនុគណៈកម្មការប្រចាំបញ្ជា២៤ម៉ោង បានទទួលព័ត៌មានតាមរយៈកម្មវិធីទូរស័ព្ទដៃ NoDrug ថាមានករណីចែកចាយនិងជួញដូរដោយខុសច្បាប់នូវសារធាតុញៀន នៅចំណុចភូមិគគីរ​ធំ២​ ឃុំគគីរធំ​ ស្រុកកៀនស្វាយ​ ខេត្តកណ្តាល ទំនាក់ទំនងជាមួយកម្លាំងគណៈកម្មការគ្រប់គ្រងកម្មវិធីទូរស័ព្ទ NoDrug និងបញ្ជូនព័ត៌មានភ្លាមៗទៅកាន់សមត្ថកិច្ចជំនាញនៅមូលដ្ឋាន។

ឯកឧត្តម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណៈកម្មការ សហការនិងផ្តល់ព័ត៌មានដល់កម្លាំងបញ្ជារកម្លាំងជំនាញដោយមានការដឹកនាំដោយលោក​ឧត្តមសេនីយ៍ត្រី គង់ ស៉ីដន ស្នងការរងទទួលផែនការងារប្រឆាំងគ្រឿងញៀន​ និងមានការសម្របសម្រួលនីតិវិធីពីឯកឧត្ដម ព្រះរាជអាជ្ញានៃអយ្យការអមសាលាដំបូងខេត្ត បានចាត់កម្លាំងជំនាញចុះសហការជាមួយអធិការដ្ឋានស្រុកកៀនស្វាយ និងកម្លាំងប៉ុស្តិ៍នគរបាលរដ្ឋបាលប៉ុស្តិ៍គគីរធំ​ បើកប្រតិបត្តិការបង្ក្រាបករណីនេះ​ និងបានឃាត់ខ្លួនជនសង្ស័យសរុប ០៤នាក់៕

-វត្ថុតាងចាប់យក

១/ ម្សៅក្រាមពណ៌សថ្លាសង្ស័យជាសារធាតុញៀន (ម៉ាទឹកកក) ចំនួន៧កញ្ចប់(ធំ២ មធ្យម២ តូច៣) ទម្ងន់១២០.០៩ក្រាម

២/ថ្នាំញៀនយ៉ាម៉ា(WY)១៥៣គ្រាប់ (ទំងន់ ១២,២៤ក្រាម

៣/ សម្ភារៈប្រើប្រាស់និងវេចខ្ចប់ថ្នាំញៀនមួយចំនួន

៤/ ជញ្ជីងសម្រាប់ថ្លឹងថ្នាំញៀនចំនួន១

៥/ម៉ូតូ២គ្រឿងម៉ាក wave មានតែគ្រោងឆ្អឹង គ្មានស្លាកលេខ , ម៉ាកSuzuki nex ពណ័ស ពាក់ស្លាកលេខ ភ្នំពេញ 1FN-6709

៦/ទូរសព្ទ័៤គ្រឿងម៉ាក Oppo២ IPhone 11 ពណ័ត្រាវ១ IPhone 14Promax ពណ័ស្វាយ១

៦/បារីអេឡិចត្រូនិច១

៧/ទឹកថ្នាំបារីអេឡិចត្រូនិចចំនួន៣ដប

៨/សៀវភៅកត់ត្រាចំនួន២

បច្ចុប្បន្នជនសង្ស័យ ត្រូវបានកម្លាំងជំនាញចាត់ការតាមនីតិវិធីច្បាប់បន្ត៕