ចាប់ពីឆ្នាំ២០២៣ -២០២៤ និងពាក់កណ្តាលឆ្នាំ២០២៥..

ការដុតបំផ្លាញគ្រឿងញៀនខាងលើបានធ្វើឡលង ក្នុងឱកាស ប្រារព្ធទិវាអន្ដរជាតិប្រយុទ្ធប្រឆាំងគ្រឿងញៀន ក្រោមប្រធានបទ «រួមគ្នាបង្ការ ទប់ស្កាត់ និងកាត់ផ្ដាច់ឫសគល់នៃបញ្ហាគ្រឿងញៀននៅកម្ពុជា» ដោយមានការដុតបំផ្លាញសារធាតុញឿនគ្រឿងញៀនសំយោគ
ថ្នាំញៀន ប្រមាណជាង ២តោន ក្នុងនោះក៍មានកញ្ចា និងសារធាតុរួមផ្សំផ្សេងៗ   ទៀត ដែលសមត្ថកិច្ចបង្ក្រាបបាន លើសំណុំរឿងជាង២០០។

ក្រៅពីឯកឧត្តមនាយឧត្តមសេនីយ៍  មាស វិរិទ្ធ អគ្គលេខាធិការ នៃអគ្គលេខាធិការដ្ឋាន អាជ្ញាធរជាតិ ប្រយុទ្ធ

ប្រឆាំងគ្រឿងញៀន ពិធីខាងលើនេះ ក៍មានវត្តមានឯកឧត្តម ម៉ាង ស៊ីណែត អភិបាល ខេត្តព្រះសីហុន និងសមត្ថកិច្ចពាក់ពន្ធ័ កងកំលាំងទាំង៤ មន្ត្រីរាជការ ប្រជា ពលរដ្ឋ លោកគ្រូអ្នកគ្រូ សិស្សនិស្សិត យ៉ាងច្រើនកុះករផងដែរ។

សម្រាប់ឆ្នាំ ២០២៥នេះ រាជរដ្ឋា ភិបាលកម្ពុជា ដែលមានអាជ្ញាធរជាតិប្រយុទ្ធប្រឆាំងគ្រឿងញៀនជាសេនាធិការ បានខិតខំសម្រិតសម្រាំងរៀបចំទិវាអន្តរជាតិប្រយុទ្ធប្រឆាំងគ្រឿងញៀនឆ្នាំ២០២៥ ឲ្យមានភាពផុសផុល អធិកអធម ប្រកប ដោយខ្លឹមសារអត្ថន័យជ្រាលជ្រៅនិងបរិយាបន្ន ទាំងនៅក្នុងពិធីថ្នាក់ជាតិ និងតាមបណ្តាខេត្តទាំង២៤ទៀត ជាក់ស្តែងខេត្តព្រះសីហនុ នាថ្ងៃទី០៥ ខែកក្កដានេះ។

នេះគឺជាសក្ខីភាពដែលស្តែងយ៉ាងប្រត្យក្សថា ទិវាអន្តរជាតិប្រយុទ្ធប្រឆាំងគ្រឿងញៀននាឆ្នាំនេះ ក៏ហាក់មិនខុសពីឆ្នាំមុនដែរ ពោលគឺបានជំរុញសកម្មភាពយុទ្ធនាការ ដ៏មហាឡោរិកផុសផុល នៅតាមគ្រប់បណ្តារាជធានីខេត្ត លើកទឹកចិត្តឲ្យមានការចូលរួមពីគ្រប់វិស័យទាំងអស់ ដែលបានបង្ហាញពីស្មារតីរួម និងចលនាជាតិមួយ គឺចូលរួមទាំងអស់គ្នាដើម្បីជីវិត និងសហគមន៍គ្មានគ្រឿងញៀន៕