ជាមួយ នឹងការរំពឹងខ្ពស់ពីការមកដល់កាន់តែច្រើនរបស់អ្នកទេសចរអាម៉េរិកមកកម្ពុជា

តបតាមការអញ្ជើញរបស់ស្ថានទូតអាម៉េរិកប្រចាំនៅកម្ពុជា  ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បាន

អញ្ជើញចូលរួមកម្មវិធីខួបឯករាជ្យជាតិលើកទី២៤៩ របស់សហរដ្ឋអាម៉េរិក និងខួបលើកទី៧៥ នៃការបង្កើតទំនាក់ទំនងការទូតរវាងសហរដ្ឋអាម៉េរិក និងកម្ពុជា ក្រោមអធិបតីភាពរបស់លោកស្រី Bridgette Walker ភារធារី

ស្ថានទូតអាម៉េរិក និងឯកឧត្តម ស៊ុន ចាន់ថុល ឧបនាយករដ្ឋមន្រ្តី និងជាអនុប្រធានទី១ក្រុមប្រឹក្សាអភិវឌ្ឍន៍កម្ពុជា  ដោយមានការអញ្ជើញចូលរួមពីសំណាក់ឯកឧត្តម ហ៊ុន​ ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ ឯកឧត្តម-លោកជំទាវជាភ្ញៀវកិត្តិយសពីស្ថាប័នរដ្ឋ អង្គទូតបរទេសប្រចាំកម្ពុជា និងស្ថាប័នឯកជនផងដែរ នៅសណ្ឋាគារសូហ្វីតែល។

សូមបញ្ជាក់ជូនថាក្នុងជំនួបសំដែងការគួរសម និងពិភាក្សាការងាររវាងឯកឧត្តមរដ្ឋមន្រ្តី និងលោកស្រីភារធារី នាថ្ងៃទី៤ ខែកុម្ភៈ ឆ្នាំ២០២៥ កន្លងមក បានពិភាក្សាអំពីកិច្ចសហប្រតិបត្តិការទេសចរណ៍ និងការជួយផ្សព្វផ្សាយពី

គោលដៅទេសចរណ៍ ព្រមទាំងព្រឹត្តការណ៍នានារបស់កម្ពុជាដល់ប្រជាពលរដ្ឋអាមេរិក ដើម្បីអញ្ជើញមកទស្សនាកម្ពុជាឱ្យបានកាន់តែច្រើនឡើងបន្ថែមទៀតពីចំនួនទេសចរនាឆ្នាំ២០២៤ កន្លងទៅដែលមានចំនួនប្រមាណ២១៥.០០០នាក់៕