និងផលប៉ះពាល់សុខភាពដោយសារធាតុ​អាសបេស្តុសដល់កម្មករក្នុងវិស័យសំណង់ និងឡឥដ្ឋនៅកម្ពុជា

ឯកឧត្តម ចាប ឫទ្ធី រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញចូលរួមជាអធិបតីបើក​

សិក្ខាសាលាពិគ្រោះយោបល់ក្រោមប្រធានបទ «សុវត្ថិភាព និងសុខភាពការងារ និងផលប៉ះពាល់សុខភាពដោយសារ​ធាតុអាសបេស្តុស សម្រាប់កម្មករនិយោជិតក្នុងវិស័យសំណង់ និងឡឥដ្ឋនៅកម្ពុជា» ដើម្បីផ្សព្វផ្សាយពីសុវត្ថិភាពការងារ និងការការពារខ្លួនមកពីផលប៉ះពាល់នៃសារធាតុអាសបេស្តុស។

សិក្ខាសាលានេះ ត្រូវបានរៀបចំ​ដោយសហព័ន្ធ​សហជីពកម្មករសំណង់ និងព្រៃឈើ (BWTUC) និងមានការចូលរួមពីមន្រ្តីជំនាញសុវត្ថិភាព និងសុខភាពការងារ មន្រ្តីជំនាញនៃបេឡាជាតិសន្តិសុខសង្គម (ប.ស.ស.) តំណាង

ក្រសួងរៀបចំដែនដីនគរូបនីយកម្ម និងសំណង់ តំណាងអង្គការអន្តរជាតិខាងការងារ (ILO) តំណាងកម្មករនិយោជិត និងតំណាងអង្គការសង្គមស៊ីវិល​ពាក់ព័ន្ធផ្សេងទៀត ក្នុងគោលបំណងពិភាក្សា ប្រមូលធាតុចូលពីភាគីពាក់ព័ន្ធ និងធ្វើបច្ចុប្បន្នភាពអំពីគោលនយោបាយ កិច្ចអន្តរាគមន៍ បញ្ហាប្រឈម និងផែនការការងារផ្សេងៗជុំវិញសុវត្ថិភាព និងសុខភាពការងារក្នុងវិស័យសំណង់ ព្រមទាំងផលប៉ះពាល់ដោយសារធាតុអាសបេស្តុសមកលើសុខភាពកម្មករនិយោជិត។

មន្រ្តីជាន់ខ្ពស់នៃក្រសួងការងារ និងបណ្តុះបណ្តាលវិជ្ជាជីវៈ និងអ្នកជំនាញដែលបានពិភាក្សាក្នុងសិក្ខាសាលានេះ បានលើកឡើងនូវផែនការ យុទ្ធសាស្ត្រជាច្រើន ដើម្បីដោះស្រាយ និងបង្កើនកិច្ចសហការជាមួយភាគីពាក់ព័ន្ធក្នុងទិសដៅលើកកម្ពស់សុវត្ថិភាព និងសុខភាពការងារក្នុងវិស័យ​សំណង់នៅកម្ពុជាឱ្យកាន់តែល្អប្រសើរថែមទៀត៕