នៅទីស្តីការក្រសួងសេដ្ឋកិច្ច និងហិរញ្ញវត្ថុ ឯកឧត្តម ម៉េង ប៉ូគន្ធ អគ្គនាយក នៃអគ្គនាយកដ្ឋានកិច្ចការរដ្ឋបាល

ក្នុងនាមតំណាងដ៏ខ្ពង់ខ្ពស់របស់ឯកឧត្ដម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម ដឹកនាំគណៈប្រតិភូក្រសួងជួបប្រជុំពិភាក្សាជាមួយលោកជំទាវ ឈុន ដាលីន អគ្គនាយករង នៃអគ្គនាយកដ្ឋានថវិកា ក្រសួងសេដ្ឋកិច្ច និងហិរញ្ញវត្ថុ ក្នុងកម្រិតបច្ចេកទេសលើគម្រោងផែនការចំណូល-ចំណាយឆ្នាំ២០២៦។

សូមជម្រាបថា កិច្ចប្រជុំនេះមានការអញ្ជើញចូលរួមពីអគ្គនាយកដ្ឋានគោលនយោបាយ អគ្គនាយកដ្ឋានថវិកា អគ្គាធិការដា្ឋន អគ្គនាយកដ្ឋានសហប្រតិបត្តិការអន្តរជាតិ និងគ្រប់គ្រងបំណុល នៃក្រសួងសេដ្ឋកិច្ច និងហិរញ្ញវត្ថុ និងថ្នាក់ដឹកនាំនៃអាជ្ញាធរទន្លេសាប គណៈកម្មាជាតិទន្លេមេគង្គកម្ពុជា និងតំណាងនាយកដ្ឋានក្រោមឱវាទក្រសួងធនធានទឹក និងឧតុនិយម។

ឯកឧត្ដមអគ្គនាយកបានមានប្រសាសន៍ថា កិច្ចប្រជុំគឺ ទី១)ការរៀបចំរចនាសម្ព័ន្ធកម្មវិធីរបស់ក្រសួង ទី២)ការកំណត់សូចនាករសមិទ្ធកម្មគន្លឹះប្រចាំឆ្នាំ ទី៣)លទ្ធផលសម្រេចបាននៅក្នុងឆ្នាំ២០២៤ និងឆមាសទី១ ឆ្នាំ២០២៥ ទី៤)ការញែកបន្ទុកបុគ្គលិកតាមកម្មវិធី និងទី៥)ទិសដៅបន្តសម្រាប់ការអនុវត្ដថវិកាសមិទ្ធកម្មសម្រាប់ឆ្នាំ២០២៦៕