សាធារណៈរដ្ឋកូរ៉េ៖ ដោយទទួលបានការអនុញ្ញាតពី ឯកឧត្តមសន្តិបណ្ឌិត ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន នៅថ្ងៃពុធ ៧កើត ខែអាសាឍ ឆ្នាំម្សាញ់ ព.ស២៥៦៩ ត្រូវនឹងថ្ងៃទី២ ខែកក្កដា

ឆ្នាំ២០២៥ លោកឧត្តមសេនីយ៍ទោ សំ សេដ្ឋាប្រធាននាយកដ្ឋានអនុវត្តច្បាប់ និងលោកឧត្តមសេនីយ៍ទោ អ៊ុយ សមផល្លារិទ្ធិ ប្រធាននាយកដ្ឋាន សហប្រតិបត្តិការអន្តរជាតិ ព្រមទាំងមន្ត្រី២រូបអមដំណើរ បានចូលរួមក្នុង សន្និសីទ

អន្តរជាតិលើកទី២ ស្តីពីបញ្ហាគ្រឿងញៀនតាមលំហរសមុទ្រ (The 2nd Maritime Narcotics International Conference) ដែលត្រូវបានរៀបចំឡើងដោយស្នងការឆ្មាំសមុទ្រនៃសាធារណរដ្ឋកូរ៉េចាប់ពីថ្ងៃទី១-៥ ខែកក្កដា ឆ្នាំ២០២៥ នៅទីក្រុង អ៊ិនឈុន សាធារណរដ្ឋកូរ៉េ ដោយមានសមាសភាពចូលរួមមកពីបណ្តាលប្រទេសផ្សេងៗប្រមាណ ៤៥នាក់ ។

ដើម្បីឆ្លើយតបទៅនឹងកំណើននៃការចរាចរជួញដូរគ្រឿងញៀន តាមផ្លូវសមុទ្រ ទើបសន្និសីទអន្តរជាតិនេះ ត្រូវបានផ្ដួចផ្ដើមនិងរៀបចំឡើងក្នុងគោលបំណងសំខាន់គឺ៖
-ពង្រឹង និងពង្រីកកិច្ចសហប្រតិបត្តិការ ពិសេសមន្ត្រីអនុវត្តច្បាប់គ្រឿងញៀន រួមចំណែកក្នុងការពង្រឹង និងគ្រប់គ្រងសន្តិសុខតាមលម្ហសមុទ្រ
-ចាត់តាំងឱ្យមានមន្ត្រីទំនាក់ទំនងដើម្បីផ្ដល់ភាពងាយស្រួលក្នុងការផ្លាស់ប្តូរព័ត៌មានពិសេស ព័ត៌មានចារកម្មស្តីពីមុខសញ្ញាក្រុមឧក្រិដ្ឋជននិងផ្លូវចរាចររបស់ពួកគេ។