ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងជា

ប្រធានកាយរឹទ្ធិជាតិកម្ពុជា បានអញ្ជើញជាអធិបតីក្នុងពិធីបើក មហាសន្និបាតវិសាមញ្ញកាយរឹទិ្ធជាតិកម្ពុជា និងមានការចូលរួមពី ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា ឯកឧត្តម លោកជំទាវ លោក លោកស្រី ជាថ្នាក់ដឹកនាំកាយរឹទិ្ធ មកពី ក្រសួង ស្ថាប័ន រាជធានីខេត្ត ក្រុងស្រុកខណ្ឌ និងសមាជិក សមាជិកា កាយរឹទិ្ធជាតិកម្ពុជាជាច្រើនរូប។

មានប្រសាសន៍ក្នុងឱកាសនេះ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានទទួលស្វាគមន៍​យ៉ាង​កក់​ក្តៅ​​ចំពោះវត្តមានដ៏ថ្លៃថ្លារបស់ ឯកឧត្តម លោកជំទាវ លោក លោកស្រី ជាថ្នាក់ដឹកនាំកាយរឹទិ្ធមកពី​ក្រសួង​ស្ថាប័ន រាជធានីខេត្ត ក្រុងស្រុកខណ្ឌ និងសូមយកឱកាសនេះ ដើម្បីកោតសរសើរ និងថ្លែងអំណរគុណយ៉ាងជ្រាលជ្រៅចំពោះ

​ស្មារតីប្រកប​ដោយការទទួល​ខុសត្រូវខ្ពស់ របស់​ឯកឧត្តម លោក​ជំទាវ លោក លោកស្រី ជាថ្នាក់ដឹកនាំ និងសមាជិក សមាជិកា​នៃគណៈកម្មការ​រៀបចំ​មហា​សន្និបាត​វិសាមញ្ញ ដែលអនុវត្ត​បាន​យ៉ាងល្អ​ទៅ​តាមតួនាទីនិង​ភារកិច្ច ក្នុងកិច្ច​ខិត​ខំ​ប្រឹងប្រែង ជំរុញ លើកទឹកចិត្ត និង​​កិច្ចសហការល្អ​ជាមួយគ្រប់​បណ្តា​​​អង្គភាពពាក់ព័ន្ធ រហូតធ្វើឱ្យអង្គមហាសន្និបាត​វិសាមញ្ញកាយរឹទ្ធិជាតិកម្ពុជា លេចជារូបរាង និង​ដំណើរការបាន​​យ៉ាងល្អ នាពេលនេះ។

តាមរយៈរបាយការណ៍បូកសរុបលទ្ធផលការងាររយៈពេល២ឆ្នាំ បានបង្ហាញឱ្យឃើញអំពីការ វិវត្តរីកចម្រើនរបស់​កាយរឹទិ្ធ​​ជាតិ​កម្ពុជា ដែល​មានកំណើន​សមាជិក​​រហូតដល់​ជាង១៨ម៉ឺននាក់​ ទូទាំងប្រទេស។ តាមរយៈកំណើន​សមាជិកភាពនេះ បានសរបញ្ជាក់ឱ្យឃើញថា កាយរឹទិ្ធជាតិកម្ពុជា ផលិតបាននូវកម្មវិធីយុវជន ដែលជាទីពេញ

និយម​សម្រាប់កុមារនិងយុវជន និង​បាន​ដើរតួនាទី​​យ៉ាងសំខាន់ ដើម្បីចូលរួមចំណែកជាមួយ​រាជរដ្ឋាភិបាល​កម្ពុជា ក្នុងការ​អភិវឌ្ឍកុមារនិងយុវជន ឱ្យធ្វើតែអំពីល្អ​នៅ​តាម​ទី​សាធារណៈ និងជាពលរដ្ឋសកម្ម​ជួយដល់​សហគមន៍​។ កម្មវិធីកាយរឹទិ្ធកម្ម​បានពង្រឹងភាព​ជា អ្នកដឹកនាំក្នុងចំណោមយុវជន និងបាន​បណ្តុះ​បណ្តាលធនធានយុវជន ឱ្យក្លាយជា​កម្លាំងបន្តវេនដ៏មានប្រសិទ្ធភាព និងស្មោះត្រង់ជាមួយ​រាជរដ្ឋាភិបាលកម្ពុជា៕