អ្នកឯងមិនមែនកងទ័ព មិននៅស្រុកខ្មែរផង កុំចេះតែនាំរឿងពេក នៅស្រុកគេបានសុខនៅទៅ កុំរករឿងអ្នកនៅក្នុងស្រុក។ ហើយកម្ពុជាក៏មិនបានដកទ័ពទេ កុំញុះញង់ពេក គ្មាននរណាជឿទៀតទេ»។ នេះ គឺជាសារព្រមានរបស់ប្រមុខការពារជាតិកម្ពុជា នាយឧត្ដមសេនីយ៍ ទៀ សីហា ទៅកាន់សកម្មជនប្រឆាំង អែម ពិសិដ្ឋ ដែលក្លែងឯកសណ្ឋានកងទ័ពថតវីដេអូសម្ដែងផ្ទុយនឹងការពិត អំពីវិធានការរបស់រដ្ឋាភិបាលកម្ពុជា ចំពោះកិច្ចការពារបូរណភាពទឹកដី អធិបតេយ្យភាពជាតិ។

លោក ទៀ សីហា សរសេរដូច្នេះ នៅគណនីហ្វេសប៊ុកផ្លូវការ បន្ទាប់ពីបុគ្គល អែម ពិសិដ្ឋ សកម្មជនគណបក្សប្រឆាំង

ដែលមានតួនាទីជាប្រធានបណ្តាញយុវជនកម្ពុជាសកលប្រចាំប្រទេសថៃ  យកឯកសណ្ឋានកងទ័ព ថតវីដេអូ

សម្ដែងផ្សព្វផ្សាយលើបណ្ដាញសង្គម។ អ្នកនាំពាក្យស្នងការដ្ឋាននគរបាលរាជធានីភ្នំពេញ កត់សម្គាល់ឃើញថា វីដេអូដែលបុគ្គល អែម ពិសិដ្ឋ ផ្សពផ្វាយ គឺមានចរិតញុះញង់ឱ្យមានការរើសអើង បំបាក់ទឹកចិត្តកងទ័ព ផ្សព្វផ្សាយ

ព័ត៌មានមិនពិត ដែលធ្វើឱ្យសាធារណជនមានការយល់ច្រឡំ ចំពោះវិធានការរបស់រដ្ឋាភិបាលកម្ពុជា ចំពោះការដោះស្រាយបញ្ហាព្រំដែន ៕