ព្រឹកថ្ងៃទី៣ ខែមិថុនា ឆ្នាំ២០២៥នេះ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បន្តដឹកនាំសមាជរដ្ឋសភា និងព្រឹទ្ធសភា ពិភាក្សាលើរបៀបវារៈស្តីពីវិស័យកសិកម្ម។ សមាជរដ្ឋសភា និងព្រឹទ្ធសភាលើកដំបូង ត្រូវបានចាប់ផ្តើមនៅថ្ងៃទី២ ខែមិថុនា។ ថ្ងៃដំបូង នៃសមាជបានប្រព្រឹត្តទៅចាប់ពីម៉ោង៨ព្រឹក រហូតដល់ម៉ោង ១២៖២២នាទីរំលងអាធ្រាត្រ បញ្ចប់លើការពិភាក្សា លើរបៀបវារៈចំនួនពីរ គឺរបៀបវារៈស្តីពីប្រព័ន្ធគាំពារសង្គម និងសេដ្ឋកិច្ចក្រៅប្រព័ន្ធ។ ព្រឹត្តិការណ៍សមាជថ្ងៃដំបូង ត្រូវបានកត់ត្រាជាព្រឹត្តិការណ៍ប្រវត្តិសាស្ត្រជាការធ្វើឡើងដំបូង ហើយដំណើរការឆ្លងអាធ្រាត្រ។ នៅថ្ងៃទី៣មិថុនា ដែលជាថ្ងៃទី២នៃសមាជនេះ អ្នកឧកញ៉ា ម៉ុង ឬទ្ធី ស្នើរដ្ឋាភិបាលត្រួតពិនិត្យការនាំចូលជី បិទកុំឱ្យឈ្មួញនាំចូលជីគ្មានគុណភាពមកលក់ឱ្យកសិករ ព្រោះបើកសិករបាចជីគ្មានគុណភាព គឺចំណាយលុយទិញជីអស់ច្រើន តែទិន្នផលកសិកម្មបានតិច។ បើតាម អ្នកឧកញ៉ា ម៉ុង ឬទ្ធី ស្នើរដ្ឋាភិបាលត្រួតពិនិត្យការនាំចូលជី បិទកុំឱ្យឈ្មួញនាំចូលជីគ្មានគុណភាពមកលក់ឱ្យកសិករ ព្រោះបើកសិករបាចជីគ្មានគុណភាព គឺចំណាយលុយទិញជីអស់ច្រើន តែទិន្នផលកសិកម្មបានតិច៕