ចុងសប្តាហ៍នេះ កម្លាំងមូលដ្ឋានកងរាជអាវុធហត្ថស្រុកពាមរក៍ ខេត្តព្រៃវែង ដឹកនាំដោយលោកវរសេនីយ៍ទោ ផាត់ សុជោត ប្រធានមន្ទីរស្រាវជ្រាវ និងបង្ក្រាបបទល្មើស បានចុះបង្រ្កាបបទល្មើសគ្រឿងញៀន ចំណុចមុខសាលាឃុំអ្នកលឿង ស្ថិតនៅភូមិអ្នកលឿង ឃុំអ្នកលឿង ស្រុកពាមរក៍ ខេត្តព្រៃវែង ដោយបានឃាត់ខ្លួនជនសង្ស័យចំនួន០២នាក់ ឈ្មោះ ឃុន សីហា ភេទប្រុស អាយុ២២ឆ្នាំ ជនជាតិខ្មែរ មុខរបរកម្មករ រស់នៅភូមិសន្លូង ឃុំសន្លូង ស្រុកស្វាយអន្ទរ ខេត្តព្រៃវែង និងឈ្មោះ ឌុច ចន្តា ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិខ្សុំ ឃុំបន្ទាយដែក ស្រុកកៀនស្វាយ ខេត្តកណ្ដាល។ ក្រៅពីឃាត់ខ្លួន សមត្ថកិច្ច បានដកហូតយកវត្ថុតាងមួយចំនួន រួមមាន៖ -ម្សៅក្រាមពណ៌សចំនួន ០២កញ្ចប់ -កែវសេពថ្នាំងញៀន០១ -ទូរស័ព្ទ០៣គ្រឿង -ម៉ូតូ០១គ្រឿង ។ តាមចម្លើយសារភាពរបស់ ឈ្មោះ ឧុច ចន្តា ចំពោះថ្នាំញៀននេះ គឺរូបគេបានទិញពីឈ្មោះយួន រស់នៅស្រុកលើកដែក ខេត្តកណ្តាល។ បន្ទាប់មកដោយមានការសម្របសម្រួលនិតិវិធីពី ឯកឧត្តម ព្រះរាជអាជ្ញា អមសាលាដំបូងខេត្តព្រៃវែង និងឯកឧត្តម ព្រះរាជអាជ្ញា អមសាលាដំបូងខេត្តកណ្តាល កម្លាំងកងរាជអាវុធហត្ថខេត្តព្រៃវែង បានសុំពន្លាតដែនសមត្ថកិច្ចសហការជាមួយកម្លាំងមូលដ្ឋានកងរាជអាវុធហត្ថស្រុកលើកដែក ខេត្តកណ្តាល ឃាត់ខ្លួនបានជនសង្ស័យចំនួន០១នាក់ទៀត ឈ្មោះង្វៀង យុំាងឌឹក ហៅយួន ភេទប្រុសអាយុ២១ឆ្នាំ ជនជាតិវៀតណាមរស់នៅភួមិកំពង់ចំលង ឃុំព្រែកទម្លាប់ ស្រុកលើកដែក ខេត្តកណ្តាលជាបន្ត ដោយដកហូត វត្ថុតាង-ម្សៅក្រាមពណ៌សចំនួន ២៧កញ្ចប់ ទម្ងន់ ៣,៦៩៨.២ក្រាម ទាំងសំបកថង់ -ជញ្ជីងថ្លឹងថ្នាំញៀនចំនួន០១ -ទូរស័ព្ទដៃ០២គ្រឿង -ម៉ូតូ០១គ្រឿង -ឧបករណ៍សេពថ្នាំញៀន០១សម្រាប់ -ដែកកេះ០៥ បច្ចុប្បន្នជនសង្ស័យរួមនឹងវត្ថុតាងត្រូវបានកម្លាំងជំនាញកងរាជអាវុធហត្ថខេត្តព្រៃវែងកសាងសំណុំរឿងតាមនីតិវិធីបញ្ជូនទៅសាលាដំបូងខេត្តព្រៃវែង៕