ឯកឧត្តម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណៈកម្មការ សហការនិងផ្តល់ព័ត៌មានដល់កម្លាំងស្នងការដ្ឋាននគរបាលរាជធានីភ្នំពេញ ដោយមានការដឹកនាំដោយលោកឧត្ដមសេនីយ៍ទោ គល់ យី ស្នងការរងទទួលផែនការងារប្រឆាំងគ្រឿងញៀន និងមានការសម្របសម្រួលនីតិវិធីពីឯកឧត្ដម ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ ក្រោយពីទទួលបានព័ត៌មាន កម្លាំងយើងបានចុះទៅដល់ទីតាំង និងធ្វើការស្រាវជ្រាវមុខសញ្ញាដែលប្រជាពលរដ្ឋរាយការណ៍ស្ថិតនៅ ខណ្ឌឬស្សីកែវ រាជធានីភ្នំពេញ។ ជាលទ្ធផល កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌឫស្សីកែវ បានចុះធ្វើការល្បាតដល់ទីតាំងដែលប្រជាពលរដ្ឋបានរាយការណ៍ នៅចំណុចក្រុម២ សង្កាត់ច្រាំងចំរេះទី១ ខណ្ឌឫស្សីកែវ បានឃើញមុខសញ្ញាគួរអោយសង្ស័យ និងបានធ្វើការត្រួតពិនិត្យ ឃើញមានសារធាតុញៀន ក៏បានឃាត់មកអធិការដ្ឋាននគរបាលខណ្ឌឫស្សីកែវ ដើម្បីសួរនាំ អ្នកប្រើប្រាស់គ្រឿងញៀនខាងលើ ១/ ឈ្មោះ សេង ឈៀង ភេទប្រុស អាយុ២៧ឆ្នាំ ជនជាតិខ្មែរ (មានសារធាតុញៀន)។ ២/ ឈ្មោះ ហ្វើ សូហ្វី ភេទប្រុស អាយុ៣២ឆ្នាំ ជនជាតិខ្មែរឥស្លាម (មានសារធាតុញៀន)។ ៣/ ឈ្មោះ ទីន សាឡេះ ភេទប្រុស អាយុ៣២ឆ្នាំ ជនជាតិខ្មែរឥស្លាម (មានសារធាតុញៀន)។ ៤/ ឈ្មោះ ណា ស្រីថុន ភេទស្រី អាយុ២៨ឆ្នាំ ជនជាតិខ្មែរ (មានសារធាតុញៀន)។ ៥/ ឈ្មោះ កង ដារិន ភេទប្រុស អាយុ៣១ឆ្នាំ ជនជាតិខ្មែរ (មានសារធាតុញៀន) ដកហូតវត្ថុតាងរួមមាន៖ ១/ឧបករណ៍សម្រាប់ប្រើប្រាស់គ្រឿងញៀនមួយចំនួន ២/ទូរស័ព្ទម៉ាក VIVO ពណ៌ស្លែ ចំនួន០១គ្រឿង ៣/ទូរស័ព្ទម៉ាក Infinix ពណ៌បៃតង ចំនួន០១គ្រឿង ៤/ទូរស័ព្ទម៉ាក ពណ៌លឿង ចំនួន០១គ្រឿង ៥/ឞ៉ូតូDream 125cc ពណ៌ខ្មៅ ផ្លាកលេខ បន្ទាយមានជ័យ 1O-4038 ចំនួន០១គ្រឿង។ បច្ចុប្បន្នជនសង្ស័យខាងលើ រួមនិងវត្ថុតាងបញ្ជូនមកកាន់ អធិការដ្ឋាននគរបាលខណ្ឌឫស្សីកែវ ដើម្បីចាត់ការតាមនីតិវិធីច្បាប់៕