ក្រុមបាល់ទាត់ក្នុងសាល(Futsal) បាត់ដំបងយូណាយធីត(A) បានក្លាយជាម្ចាស់ជើងឯកពានរង្វាន់ Tiger Street Football ឆ្នាំ២០២៥ ប្រចាំតំបន់ខេត្តបាត់ដំបង បន្ទាប់ពីយកឈ្នះលើក្រុមបាល់ទាត់ Bun Koy(A) ដោយលទ្ធផល ៣-២ នៅក្នុងវគ្គផ្តាច់ព្រ័ត្រ ដែលធ្វើឡើងនៅថ្ងៃទី០២ ខែឧសភា ឆ្នាំ២០២៥ ក្នុងខេត្តបាត់ដំបង។ បាត់ដំបងយូណាយធីត(A )។ បើតាមការបញ្ជាក់ពីស្ថាបនិកក្រុមបាត់ដំបងយូណាយធីត លោកវេជ្ជបណ្ឌិត គង់​សាវង្ស បា្រប់តាមសារអេឡិចត្រូនិកមកកាន់សារព័ត៌មាន CNM នាថ្ងៃទី០៣ ឧសភា នេះថាសម្រាប់ការចូលរួមព្រឹត្តិការណ៍ពានរង្វាន់បាល់ទាត់ក្នុងសាល Tiger Street Football ឆ្នាំ២០២៥ របស់ក្រុមបាត់ដំបងយូណាយធីតគឺជាការបង្ហាញខ្លួនលើកដំបូងរបស់ខ្លួន។   យ៉ាងណាក្រុមម្ចាស់ជើងឯក Tiger Street Football ២០២៥ ប្រចាំខេត្តបាត់ដំបង នឹងត្រូវបន្តដំណើរបេសកម្មរបស់ខ្លួននៅរាជធានីភ្នំពេញ បន្ទាប់ពីការចម្រាញ់តាមបណ្តាខេត្តត្រូវបានបញ្ចប់រួចរាល់៕