ផ្ទុះកំពង់ផែនៅអុីរ៉ង់៖ មនុស្ស១៤នាក់បាត់បង់ជីវិត ៧៥០នាក់របួស និង០៦នាក់ទៀតបាត់ខ្លួន
សង្គម
4 ថ្ងៃមុន
31
លោក Eskandar Momeni រដ្ឋមន្រ្តីក្រសួងមហាផ្ទៃអុីរ៉ង់ បាននិយាយថា មនុស្សចំនួន ០៦នាក់ទៀតនៅតែបាត់ខ្លួន ខណៈដែលក្រុមពន្លត់អគ្គីភ័យនៅតែបន្តធ្វើការដើម្បីពន្លត់គ្រោះអគ្គីភ័យនេះ បើទោះបីជាមានការប្រឈមដោយខ្យល់បក់ខ្លាំងក៏ដោយ។ លោក អេសកាន់ដា បញ្ជាក់ថាតួរលេខអ្នកដែលស្លាប់កើនដល់១៤នាក់ និងរបួស៧៥០នាក់ គិតត្រឹមថ្ងៃទី២៧ ខែមេសា ឆ្នាំ២០២៥។ នេះបើតាមការចេញផ្សាយរបស់ CNN។
ជាមួយហេតុការន៍នេះដែរ អ្នកនាំពាក្យរាជរដ្ឋាភិបាលអុីរ៉ង់ លោកស្រី Fatemeh Mohajerani បាននិយាយថា វាអាចនឹងចំណាយពេលខ្លះដើម្បីរកមូលហេតុដោយសារតែពុំមានមូលហេតុអ្វីត្រូវបានគេផ្តល់ឱ្យសម្រាប់ហេតុការណ៍ផ្ទុះនេះឡើយ។ យ៉ាងណាមកដល់ពេលនេះ អ្វីដែលត្រូវបានកំណត់បាននោះគឺថា កុងតឺន័រ ដែលបានរក្សាទុកនៅជ្រុងមួយនៃកំពង់ផែ ទំនងជាមានផ្ទុកសារធាតុគីមី អាចជាដើមចមដែលបណ្តាលឱ្យផ្ទុះ។
សូមបញ្ជាក់ថា ហេតុការណ៍ផ្ទុះប្រេងដ៏ធំសម្បើមនៅឯកំពង់ផែ Bandar Abbas ភាគនិរតីនៃប្រទេសអ៊ីរ៉ង់ ហើយបានឱ្យមនុស្សរាប់រយនាក់រងរបួស កើតឡើងកាលពីថ្ងៃទី២៦ ខែមេសា ឆ្នាំ២០២៥៕
អត្ថបទដោយ៖ cambodia-nation-media
