ស្ថានទូតចិនប្រចាំកម្ពុជា អបអរសាទរ! កញ្ញា ស៊ូ លីយ៉ា ទទួលបានជ័យលាភីលេខ១ ក្នុងចំណោមបេក្ខជន ១៤៩នាក់
សង្គម
1 ថ្ងៃមុន
79
តាមរយៈជ័យជំនះរបស់ កញ្ញា លីយ៉ា នឹងតំណាងឱ្យប្រទេសកម្ពុជា ទៅចូលរួមការប្រកួតវគ្គផ្តាច់ព្រ័ត្រជាសាកល"ស្ពានភាសាចិន" លើកទី២៤ នៅប្រទេសចិន នាពេលបន្ទាប់។ ឯកឧត្តម វ៉ាង វីនពីន ឯកអគ្គរដ្ឋទូតចិនប្រចាំកម្ពុជា បានបង្ហោះខ្លឹមសារយ៉ាងដូច្នេះ នៅលើបណ្តាញទំនាក់ទំនងសង្គមផ្ទាល់ខ្លួន បន្ទាប់ពីរូបលោក និងឯកឧត្តមបណ្ឌិត សភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា បានអញ្ជើញជាអធិបតីរួមគ្នា នៅក្នុងវគ្គផ្តាច់ព្រ័ត្រនៃការប្រកួត"ស្ពានភាសាចិន" សម្រាប់និស្សិតសាកលវិទ្យាល័យ។
បើតាមឯកឧត្តម វ៉ាង វីនពីន នៅក្នុងកម្មវិធីនេះ លោកទូតក៏បានផ្តល់មេដាយដល់បេក្ខជន ទាំង១៤នាក់ ដែលបានបង្ហាញ ពីសមត្ថភាពដ៏អស្ចារ្យ នៅក្នុងការប្រកួតនេះផងដែរ។ សូមជម្រាបថា បេក្ខជនចុះឈ្មោះចូលរួមការប្រកួតឆ្នាំនេះ មានចំនួនសរុប ១៤៩នាក់ ដែលនេះបានបង្កើតកំណត់ត្រាថ្មីដែលមានចំនួន បេក្ខជនច្រើនជាងគេ៕
អត្ថបទដោយ៖ cambodia-nation-media
