ទឹកព្រះទ័យដ៏ត្រចេះត្រចង់របស់សម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទេ្ទសបណ្ឌិត បួរ គ្រី ប្រោព្រះរាជទាននូវអំណោយដល់អាស្រមអរិយសមាធិ(កូនត្នោត)
សង្គម
១៣ មេសា ២០២៥
132
នារសៀលថ្ងៃទី១២ ខែមេសា ឆ្នាំ២០២៥ ព្រះរាជមហាមន្ត្រី ងួន ឧស្សាហ៍ ព្រះរាជតំណាង សម្ដេចព្រះអភិសិរីសុគន្ធាធិបតី បួរ គ្រី សម្ដេចព្រះមហាសង្ឃរាជធម្មយុត្តិកនិកាយ និងលោក ហៀក សុមុន្នី បាននាំយកព្រះរាជអំណោយ សម្តេចព្រះអភិសិរីសុគន្ធាមហាសង្ឃរាជាធិបតី កិត្តិឧទេ្ទសបណ្ឌិត បួរ គ្រី ជាអម្ចាស់ ប្រគេនដល់ព្រះសង្ឃគង់នៅ អាស្រមអរិយសមាធិ (កូនត្នោត) ស្ថិតនៅក្នុងភូមិកូនត្នោត ឃុំជ័យ ស្រុកកំពង់ស្វាយ ខេត្តកំពង់ធំ។
ព្រះរាជអំណោយរបស់សម្តេចព្រះមហាសង្ឃរាជ រួមមាន ៖ អង្ករ ០៨បាវ, មីរ១០កេស, ទឹកក្រូច ១០កេស, ទឹកស៊ីអ៉ីវ ១០យួរ ទឹកត្រី ១០យួរ ព្រមទាំងបច្ច័យមួយចំនួនសម្រាប់ផ្គត់ផ្គង់ព្រះសង្ឃគង់នៅក្នុងអាស្រមអរិយសមាធិ។ ព្រះសង្ឃលោកអាចារ្យ គណៈកម្មការ និងប្រជាពុទ្ធិបរិស័ទ្ធចំណុះ អាស្រមអរិយសមាធិ បង្ហាញស្នាមញញឹមរីករាយជាពន់ពេក និងអរព្រះគុណចំពោះទឹកព្រះទ័យរបស់ព្រះមហាសង្ឃរាជដែលបានយកព្រះទ័យទុកដាក់ជួយទំនុកបម្រុង។
អត្ថបទដោយ៖ cambodia-nation-media
