ប្រទាលកន្ទុយក្រពើមានជាតិទឹកច្រើនហើយប្រទាលកន្ទុយក្រពើអាចព្យាបាលការរលាកស្បែកដោយកម្ដៅថ្ងៃបាន ប៉ុន្តែតាមពិតទៅប្រទាលកន្ទុយក្រពើមានប្រយោជន៍ច្រើនជាងនេះទៅទៀតដែលយើងគួរដឹង! ១.ជួយព្យាបាលរបួស ប្រទាលកន្ទុយក្រពើអាចបង្កើនការលូតលាស់កោសិកាស្បែកថ្មី និងពន្លឿនការផលិតកោសិកាឡើងវិញដែរ។ យើងអាចយកមកប្រទាលកន្ទុយក្រពើមកបិទលើមុខរបួសបាន។ ២.ជួយព្យាបាលរលាក ប្រទាលកន្ទុយក្រពើត្រូវបានប្រើសម្រាប់ព្យាបាលការរលាកតិចតួចតាំងយូរណាស់មកហើយព្រោះវាមានប្រសិទ្ធភាពបញ្ចុះកម្ដៅ កាត់បន្ថយការរលាក និងផលិតកោសិកាស្បែកឡើងវិញ។ ៣.ជួយព្យាបាលពេលសត្វល្អិតទិច ឬខាំ ពេលសត្វល្អិតទិច ឬខាំអាចនឹងរមាស់ ព្រោះទឹកមាត់សត្វល្អិតមានផ្ទុកជាតិពុល និងសារធាតុបង្កអាលែកហ្សីដែលអាចបណ្ដាលឲ្យរមាស់ ហើម ឬរលាកក្នុងកម្រិតផ្សេងៗ។ ៤. បង្ការ និងព្យាបាលមុន ប្រទាលកន្ទុយក្រពើអាចជួសជុលកោសិកាស្បែក និងអាចប្រឆាំងនឹងផ្សិត ឬបាក់តេរីបាន។ ទាំងអស់នេះអាចបង្ការ និងព្យាបាលបញ្ហាមុន និងបញ្ហាស្បែក rosacea សរសៃឈាមលើផ្ទៃរីកធំធ្វើឲ្យស្បែកមុខឡើងក្រហម ។