cambodia-nation-media.com

ជាការពិតណាស់ ពណ៌សក់គឺមានភាពទាក់ទាញពីមនុស្សនៅជុំវិញខ្លួន ដូច្នេះបើអ្នកមិនចង់ឱ្យពណ៌សក់ដ៏ស្រស់ស្អាត គួរឱ្យគយគន់របស់អ្នកប្រែទៅជាស្លេកស្លាំងយ៉ាងឆាប់រហ័សនោះ សូមសាកល្បងប្រើវិធីដូចខាងក្រោមនេះ៖ -ជ្រើសរើសប្រើផលិតផលឱ្យត្រឹមត្រូវ : គួរប្រើសាប៊ូកក់សក់ និងឃ្រីម Conditioner រូបមន្តការពារពណ៌សក់ជាពិសេស និងព្យាយាមចៀសវៀងពីផលិតផលតុបតែងសក់ណាដែលមានចំណែកផ្សំរបស់អាល់កុល (ដូចជា ផលិតផលជែលជាដើម) ព្រោះវានឹងធ្វើឱ្យសរសៃសក់របស់អ្នកស្ងួត នាំឱ្យពណ៌កាន់តែឆាប់ស្លេកឡើង។

-កុំអប់សក់ច្រើនពេក : សារធាតុគីមីនៅក្នុងផលិតផលប្តូរពណ៌សក់នឹងធ្វើឱ្យសរសៃសក់ស្ងួត ហើយស្រួយ ដូច្នេះគួរប្រើឃ្រីម Conditioner ប្រភេទដែលអាចជ្រាបចូលជ្រៅទៅក្នុងសរសៃសក់បន្ទាប់ពីកក់រួចក្នុងអំឡុងសប្តាហ៍ដំបូង ដោយលាបតាំងពីគល់ រហូតមកដល់ចុងសក់ ហើយពាក់មួកងូតទឹកគ្របទុកចោលប្រមាណ ១០នាទី។

-ជៀសពីទឹក : ទឹក គឺជាមូលហេតុចម្បង ដែលធ្វើឱ្យពណ៌សក់ឡើងស្លេកបានយ៉ាងងាយ ដូច្នេះចូរកុំកក់សក់ញឹកញាប់លើសពីភាពចាំបាច់ពេក និងកុំប្រើទឹកក្តៅកក់សក់ឱ្យសោះ។

-ការពារសរសៃសក់ : បើអ្នកចូលចិត្តហែលទឹក សារធាតុរ៉ែដែលនៅសេសសល់ក្នុងអាងហែលទឹក(មិនមែនមានតែ chlorin ទេ) គឺជាបច្ច័យអាក្រក់មួយ ដែលធ្វើឱ្យសរសៃសក់ក្លាយទៅជាពណ៌បៃតងលាយលឿង… តែសូមកុំបារម្ភអី បញ្ហានេះ អាចការពារបានដោយការលាប Baby oil ២ ទៅ ៣ ដំណក់ នៅលើសរសៃសក់ ខណ:ពេលស្ងួត ហើយប្រញាប់លាងចេញវិញភ្លាមក្រោយពេលងូតទឹករួច៕