រុក្ខជាតិដែលមានឈ្មោះ Caulerpa Lentillifera ដែលត្រូវបានគេហៅថាជា ទំពាំងបាយជូរសមុទ្រ រឺ Sea Grape ជាប្រភេទរុក្ខជាតិ ដែលមានគ្រាប់ពណ៍បៃតង ទំហំតូចៗជាបង្កោម ដែលដុះក្នុងសមុទ្រ វាអាចហៅថាជាប្រភេទសារាយសមុទ្រ ដែលពេញ និយមក្នុងម្ហូប ជប៉ុន និងនៅបណ្តារប្រទេសអាស៊ី ដូចជា ហ្វីលីពីន និងម៉ាឡេស៊ី ។ អត្ថប្រយោជន៍របស់ ទំពាំងបាយជូរសមុទ្រ៖ យោងតាមអត្ថបទស្រាវជ្រាវ ទំពាំងបាយជូរសមុទ្រ គឺមិនខុសគ្នាពី សារ៉ាយសមុទ្រប៉ុន្មានទេ គឺមិនត្រឹមតែមានរស់ជាតិឆ្ងាញ់ វាក៏សំបូរទៅដោយ អាហារូបត្ថម្ភ និងអត្ថប្រយោជន៍ជាច្រើនសម្រាប់សុខភាព វាសំបូរទៅដោយវីតាមីន និងសារធាតុរ៉ែ។ ដោយសារតែវា សំបូរទៅដោយ អាហារូបត្ថម្ភបែបនេះ ហើយទើបបានជា ទំពាំងបាយជូរសមុទ្រ ត្រូវបានជនជាតិជប៉ុនខ្លះហៅថា “longevity seaweed” ដែលមានន័យថា សារ៉ាយសមុទ្រអាយុវែង ។ ទំពាំងបាយជូរសមុទ្រ មានកាឡូរីទាប និងជាប្រភពដ៏ល្អនៃសារធាតុរ៉ែ វីតាមីន A និង C កាល់ស្យូម ស័ង្កសី និងជាតិដែក។ ទំពាំងបាយជូរសមុទ្រ ​ក៏​មាន​អាស៊ីត​ខ្លាញ់​ អូមេហ្គា៣​ខ្ពស់​​ និង​ប្រូតេអ៉ីន​បន្លែ​ផង​ដែរ នៅក្នុងកាឡូរី ។ អ្វីដែលពិសេសនោះគឺ ទំពាំងបាយជូសមុទ្រ ដែលសម្បូរទៅដោយជាតិកាល់ស្យូម ប៉ូតាស្យូម មានប្រសិទ្ធភាព ក្នុងការបញ្ចុះសម្ពាធឈាម ព្រោះវាអាចធ្វើឱ្យការបញ្ចេញកាកសំណល់បានល្អ និងជួយអ្នកជំងឺ ដែលមានសម្ពាធឈាមខ្ពស់ រក្សាសម្ពាធឈាមធម្មតា។ វាក៏ជួយដល់ ការបង្ការជំងឺផ្សេងដូចជា មហារីក កាត់បន្ថយជំងឺស្រ្តេស បំប៉នសក់ក្បាល ជួយលើកសម្រស់ ផងដែរ ។ទាំងនេះគឺចំណុចខ្លះៗ ដែលយើងដកស្រង និងស្រាវជ្រាវ សម្រាប់ណែនាំអ្នកទាំងអស់គ្នា ឲ្យស្គាល់ពី ទំពាំងបាយជូរសមុទ្រ នៅអត្ថបទបន្ទាប់ យើងហ្នឹងធ្វើការណែនាំពីការប្រមូលផល និងដាំដុះ ទំពាំងបាយជូរសមុទ្រនេះម្តង ។